കൊച്ചി:പ്രധാനമന്ത്രി നരേന്ദ്ര മോദിയുടെ സന്ദർശനത്തിന്റെ ഭാഗമായി ഇന്നും നാളെയും നഗരത്തിൽ ഗതാഗത നിയന്ത്രണവും പാർക്കിംഗ് ക്രമീകരണങ്ങളുമുണ്ടായിരിക്കുമെന്ന് ട്രാഫിക് പൊലീസ് അറിയിച്ചു.

 ഇന്ന് രാത്രി 10.30 മുതൽ 12 വരെ വാത്തുരുത്തി റെയിൽവേ ഗേറ്റ്, നേവൽബേസ്, തേവര, പള്ളിമുക്ക്, ജോസ് ജംഗ്‌ഷൻ,ഡി.എച്ച്. റോഡ്, പാർക്ക് അവന്യു റോഡ് എന്നിവിടങ്ങളിൽ ഗതാഗതക്രമീകരണവും പാർക്കിംഗ് നിരോധനവും. രാത്രി 11.10 മുതൽ 11.40 വരെ ഈ റോഡുകളിൽ ഗതാഗതം അനുവദിക്കില്ല.

 ശനിയാഴ്ച രാവിലെ ആറു മണി മുതൽ 9.30 വരെ പാർക്ക് അവന്യു റോഡ്, ഡി.എച്ച്. റോഡ്, എം.ജി. റോഡു മുതൽ വാത്തുരുത്തി റെയിൽവേ ഗേറ്റു വരെ ഗതാഗത നിയന്ത്രണവും പാർക്കിംഗ് നിരോധനമുണ്ടാകും. ഈ റോഡുകളിൽ 8.30 മുതൽ 9.20 വരെ ഗതാഗതം അനുവദിക്കില്ല.

 പശ്ചിമകൊച്ചിയിൽ നിന്ന് നഗരത്തിലേക്കും തിരികെ പോകുന്നവരും തേവര ഫെറി.കുണ്ടന്നൂർ, വൈറ്റില വഴി തിരിഞ്ഞു പോകണം