കൊച്ചി : വി​വി​ധ ആവശ്യങ്ങൾ ഉന്നയി​ച്ച് സപ്ളെെകോയിലെ ദിവസവേതന തൊഴിലാളികളും പാക്കിംഗ് തൊഴിലാളികളും അനിശ്ചിതകാല സത്യാഗ്രഹ സമരത്തിലേക്ക് . സപ്ളെെകോ വർക്കേഴ്സ് ഫെഡറേഷൻ (എ.എെ.ടി.യു.സി) സംസ്ഥാന കമ്മിറ്റിയുടെ നേതൃത്വത്തിലാണ് സമരം. ഇപ്പോൾ ലഭിക്കുന്ന 425 രൂപ അപര്യാപ്തമാണെന്ന് സമരസമിതി കൺവീനർ കമലാ സദാനന്ദൻ പറഞ്ഞു. പത്താംതീയതി​ സപ്ളെെകോ ഹെഡ് ഒഫീസിനുമുമ്പിൽ നടത്തുന്ന സത്യാഗ്രഹം എ.എെ.ടി.യു.സി സംസ്ഥാന സെക്രട്ടറി കെ.പി. രാജേന്ദ്രൻ ഉദ്ഘാടനം ചെയ്യും. ജെ. ഉദയഭാനു, പി. രാജു, കെ.കെ. അഷ്റഫ്, കെ. മല്ലിക എന്നിവർ പ്രസംഗിക്കും.

ദിവസവേതനതൊഴിലാളികളേയുംപാക്കിംഗ് തൊഴിലാളികളേയും സ്ഥിരപ്പെടുത്തുക, മിനിമം വേതനം 600 രൂപയാക്കുക , പെൻഷൻ , ഗ്രാറ്റുവിറ്റി , പ്രസവാനുകൂല്യങ്ങൾ എന്നിവ നൽകുക എന്നി​വയാണ് ആവശ്യങ്ങൾ.