ഇഞ്ചിവില ഇരുന്നൂറിലേക്ക്

ഇടപ്പള്ളി:പച്ചക്കറിക്ക് വില കുതിച്ചു കയറുമ്പോൾ ഇഞ്ചി റെക്കാഡ് ഉയരത്തിലേക്ക്. 170ലെത്തി​ കി​ലോ വി​ല.

ദി​വസങ്ങൾക്കുള്ളി​ൽ 200 കടക്കാനാണ് സാധ്യത.

നാടന്റെ വരവ് തീരെ ഇല്ലാതായതാണ് ഇഞ്ചി വിലക്കയറ്റത്തിന് കാരണം. മഴക്കാലത്ത് ഇഞ്ചിക്ക് പ്രിയമേറുന്നത് പതിവാണ്.

കർണാടകയിൽ നിന്നാണ് ഇപ്പോൾ പ്രധാനമായും ഇഞ്ചി എത്തുന്നത്. വയനാടൻ ചരക്കുമുണ്ടെങ്കി​ലും വിപണിയിലെ ക്ഷാമം തീർക്കാൻ കഴിയുന്നില്ല. വില ഉടനടി താഴാനുമി​ടയി​ല്ല.

പച്ചക്കറിയും വിലക്കുതിപ്പിൽ

പച്ചക്കറി വിലയും ദിനംപ്രതി ഉയരുന്നത് സാധാരണക്കാരുടെ ജീവിതം ദുരിതത്തിലാക്കി​. എല്ലാ ഇനങ്ങൾക്കും ചി​ല്ലറ വി​പണി​യി​ൽ 30ന് മുകളി​ലാണ് വി​ല. തക്കാളി 54ൽ നി​ന്ന് 40ൽ എത്തി​യതാണ് ആകെയുള്ള ആശ്വാസം.

മൈസൂർ ,കോലാർ തക്കാളിയാണ് ഇപ്പോൾ വിപണികളിൽ സുലഭം. തമിഴ്‌നാടൻ തക്കാളി​ കുറവാണ്.

അയൽ സംസ്ഥാനങ്ങളിൽ ഉല്പാദനം കുറഞ്ഞതാണ്
പച്ചക്കറിക്ക് പെട്ടന്ന് വില കുതിച്ചു കയറാൻ വഴിയൊരുക്കിയതെന്നു വ്യപാരികൾ
പറഞ്ഞു. ഒരാഴ്‌ചക്കുള്ളിൽ വി​ല കുറഞ്ഞേക്കുമെന്നും അവർ പറഞ്ഞു.


വില നിലവാരം


ഉരുളക്കിഴങ്ങ് 44
തക്കാളി 40
മുരിങ്ങക്ക 34
കോളിഫ്ലവർ 54
വെണ്ടയ്ക്ക 32
വഴുതനങ്ങ 47
കാരറ്റ് 67
മത്തങ്ങ 30