പെരുമ്പാവൂർ: മുടക്കുഴ ഗ്രാമ പഞ്ചായത്തിലെ മുഴുവൻ സ്‌കൂളുകൾക്കും ഉച്ചഭക്ഷണത്തിന് ധനസഹായവുമായി മുടക്കുഴ സഹകരണ ബാങ്ക് രംഗത്ത്. പദ്ധതിയുടെ തുടക്കമെന്ന നിലയിൽ മുടക്കുഴ ഗവ. യു പി സ്‌കൂൾ ഹെഡ്മിസ്ട്രസ് ആശാലതയ്ക്ക് തുക കൈമാറി ബാങ്ക് പ്രസിഡന്റ് പി.പി. അവറാച്ചൻ പദ്ധതി ഉദ്ഘാടനം ചെയ്തു. ബാങ്ക് ഹാളിൽ നടന്ന ചടങ്ങിൽ വൈസ് പ്രസിഡന്റ് ജോബി മാത്യു, ജോഷി തോമസ്, എൻ.പി. രാജീവ്, പി.ഒ. ബെന്നി പോൾ, കെ.വി. സാജു, ഇ.വി. വിജയൻ,ടി. സനൽ, മോളിരാജു, സെക്രട്ടറി മേഴ്‌സിപോൾ, ദീപഗിരീഷ്, ഓമനകുമാരി ടി.കെ എന്നിവർ പ്രസംഗിച്ചു.