കടുങ്ങല്ലൂർ: കിഴക്കേ കടുങ്ങല്ലൂരിൽ സ്റ്റേറ്റ് ബാങ്ക് ഒഫ് ഇന്ത്യയുടെ എ.ടി.എം.കൗണ്ടർ പ്രവർത്തന രഹിതമായിട്ട് പത്തുമാസം പിന്നിട്ടിട്ടും തിരിഞ്ഞുനോക്കാനാളി​ല്ല. പ്രളയത്തിൽ മുങ്ങിയതിനെ തുടർന്ന് കേടായ ഈ എ.ടി​.എം പ്രദേശത്തെ എസ്.ബി.ഐയുടെ ഏക എ.ടി.എം.കൗണ്ടറായിരുന്നു.

നിരവധി പെൻഷൻകാരും ക്ഷേമപെൻഷൻകാരും ആശ്രയി​ച്ചി​രുന്നതാണി​വി​ടെ. ഇപ്പോൾ നാലുകിലോമീറ്റർ അകലെയുള്ള മുപ്പത്തടത്തെ എ.ടി.എമ്മിനെയാണ് ഇവർ ആശ്രയിക്കുന്നത്.

അടിയന്തിരമായി എ.ടി.എം.കൗണ്ടർ പ്രവർത്തന സജ്ജമാക്കണമെന്ന് ആവശ്യപ്പെട്ട് പഞ്ചായത്ത് പൗരവകാശ സംരക്ഷണ സമിതി ചെയർമാൻ ശ്രീകുമാർ മുല്ലേപ്പിള്ളി ബാങ്ക് അധികാരികൾക്ക് പരാതി നൽകി.പറവൂർ കവല എസ്.ബി.ഐയുടെ കീഴിലുള്ളതാണ് പ്രവർത്തന രഹിതമായ എ.ടി.എം.