മൂവാറ്റുപുഴ: ജനറൽ ആശുപത്രിയിൽ പ്രത്യേക പനിക്ലിക്ക് ആരംഭിക്കണമെന്നാവശ്യപ്പെട്ട് ആരോഗ്യ വകുപ്പ് മന്ത്രി കെ.കെ.ശൈലജയ്ക്ക് എൽദോ എബ്രഹാം എം.എൽ.എ കത്ത് നൽകി. കാലവർഷം ആരംഭിച്ചതോടെ മൂവാറ്റുപുഴ നിയോജകമണ്ഡലത്തിലെ വിവിധ പ്രദേശങ്ങളിൽ പനി ബാധിതരുടെ എണ്ണം ക്രമാതീതമായി വർദ്ധിച്ചു. പനി​മരണംനടന്നപ്രദേശങ്ങളിൽ പ്രത്യേക മെഡിക്കൽ സംഘത്തെ നിയോഗിക്കണമെന്ന് ആവശ്യപ്പെട്ടാണ് മന്ത്രിയ്ക്ക് കത്ത് നൽകിയത്. പായിപ്ര ഗ്രാമപഞ്ചായത്തിൽ തൃക്കളത്തൂർ ചെങ്ങനാട് പി.ഡി.സുരേന്ദ്രൻ(57),തൃക്കളത്തൂർ കുന്നത്തോളിൽ കെ.വി.രാജപ്പൻ(63),കല്ലൂർക്കാട് പഞ്ചായത്തിലെ വെട്ടംകവല പാടത്തിൽ വീട്ടിൽ രാജേഷിന്റെ മകൻ അഭിദേവ്(2)ആയവന ഗ്രാമപഞ്ചായത്തിലെ മണപ്പുഴ കോട്ടക്കലിൽ വീട്ടിൽ ബിനു(42) എന്നി​വർ പനി​ബാധി​ച്ച് മരി​ച്ചി​രുന്നു. പനി ബാധിതർ ചികിത്സയിലിരിക്കെ അനുബന്ധ രോഗങ്ങൾ പിടിപ്പെട്ടാണ് വിവിധ മെഡിക്കൽ കോളേജുകളിൽ മരിച്ചത്. കാലവർഷം ആരംഭിച്ചതോടെ കാലാവസ്ഥ വ്യതിയാനത്തെ തുടർന്ന് നിരവധിയാളുകൾക്ക് പനി പിടിപെടുകയായിരുന്നു. . പനി ബാധിച്ച് മരിച്ചവരുടെ കുടുംബങ്ങൾക്ക് അടിയന്തിര ധനസഹായം അനുവദിക്കണമെന്നാവശ്യപ്പെട്ട് മുഖ്യമന്ത്രി പിണറായി വിജയന് എൽദോ എബ്രഹാം എം.എൽ.എ നിവേദനം നൽകി.