കൊച്ചി : എറണാകുളം പോസ്റ്റൽ ഡിവിഷന്റെ തപാൽ അദാലത്ത് ഈമാസം 24 ന് രാവിലെ 11 ന് ഹെഡ് പോസ്റ്റ് ഓഫീസ് കെട്ടിടത്തിലെ ഡിവിഷൻ പോസ്റ്റ് ഓഫീസസ് സീനിയർ സൂപ്രണ്ടിന്റെ ഓഫീസിൽ നടക്കും.

എറണാകുളം ഡിവിഷനു കീഴിലെ തപാൽ സേവനത്തെക്കുറിച്ചുള്ള പരാതികൾ അദാലത്തിൽ പരിഗണിക്കും. മുൻ അദാലത്തിൽ പരിഗണിക്കപ്പെട്ടവയും തീർപ്പാക്കിയതുമായ പരാതികൾ അയയ്‌ക്കേണ്ടതില്ല. പരാതികൾ സീനിയർ സൂപ്രണ്ട് ഒഫ് പോസ്റ്റ് ഓഫീസസ്, എറണാകുളം ഡിവിഷൻ, കൊച്ചി 682011 എന്ന വിലാസത്തിൽ 20ന് മുമ്പായി കിട്ടത്തക്ക വിധത്തിൽ അയയ്‌ക്കണമെന്ന് അധികൃതർ അറയിച്ചു. പരാതികൾ അയയ്ക്കുന്ന കവറിനു മുകളിൽ 'തപാൽ അദാലത്ത്' എന്ന് രേഖപ്പെടുത്തണം.