തൃക്കാക്കര : ആർക്കൊക്കെ രക്തം നൽകാം ? ആർക്കൊക്കെ പാടില്ല?; തുടങ്ങിയ വിഷയങ്ങളെ സംബന്ധിച്ചു രക്തദാന ബോധവൽക്കരണ ക്ലാസ് സംഘടിപ്പിച്ചു. ലോക രക്തദാന ദിനത്തോടനുബന്ധിച്ചു തൃക്കാക്കര ബി ആൻഡ് ബി മെമ്മോറിയൽ ആശുപത്രിയും ഭാരത് മാതാ കോളേജം ചേർന്നായി​രുന്നു ക്ലാസ് നടത്തി​യത്.

പ്രിൻസിപ്പൽ ഡോ.ഷൈനി പാലാട്ടി, ബി ആൻഡ് ബി മെമ്മോറിയൽ ആശുപത്രി മെഡിക്കൽ ഡയറക്ടർ ഡോ.പ്രഭു രഞ്ജിത്ത് എന്നി​വർ സംസാരി​ച്ചു. റീജണൽ ഓർഗൻ ട്രാൻസ്‌പ്ലാന്റ് കോർഡിനേറ്റർ അഗസ്റ്റിൻ ആന്റണി ക്ലാസെടുത്തു. തുടർന്ന് രക്തദാന ക്യാമ്പും നടന്നു.