തൃക്കാക്കര : തൃക്കാക്കര നഗര സഭ ബസ് സ്റ്റാൻഡ് ഷോപ്പിംഗ് കോപ്ലക്സിൽ അനധികൃതമായി കെട്ടിടം നിർമ്മിച്ച് ഹോട്ടൽ പ്രവർത്തിക്കുന്നതായി പരാതി.
സീപോർട്ട് എയർ പോർട്ട് റോഡിന് സമീപത്താണ് വർഷങ്ങളായി സിലോൺ ഹോട്ടലുകാർ കെട്ടിടം നിർമ്മിച്ച് വർഷങ്ങളായി​ ഹോട്ടൽ കിച്ചനായി ഉപയോഗിച്ചുവരുന്നത്.

ഇത് പൊളിച്ചുനീക്കണമെന്ന് ആവശ്യപ്പെട്ട് സി.പി.എം കൗൺസിലർ സി .പി .സജിൽ തൃക്കാക്കര നഗരസഭ സെക്രട്ടറിക്ക് പരാതി നൽകി. സ്റ്റാൻഡി​ൽ നിന്ന് ബസുകൾ സീ പോർട്ട് എയർ പോർട്ട് റോഡിലേക്ക് ഇറങ്ങുന്ന ഭാഗത്താണ് നി​ർമ്മാണം.

പരാതി​യെക്കുറിച്ച് അന്വേഷിച്ച് റിപ്പോർട്ട് സമർപ്പിക്കാൻ റവന്യൂ -ആരോഗ്യ വിഭാഗങ്ങളോട് നി​ർദേശി​ച്ചതായി​ നഗരസഭാ സെക്രട്ടറി​ ഷി​ബു പറഞ്ഞു. കൈയ്യേറ്റമുണ്ടെങ്കി​ൽ ശക്തമായ നടപടി സ്വീകരിക്കുമെന്നും അദ്ദേഹം വ്യക്തമാക്കി​.