ആലുവ: മാവേലിക്കര വള്ളികുന്നം പൊലീസ് സ്റ്റേഷനിലെ സി.പി.ഒ സൗമ്യ പുഷ്കരനെ കാറിടിച്ച് വീഴ്‌ത്തി വെട്ടി​യ ശേഷം തീകൊളുത്തി കൊലപ്പെടുത്തിയ കേസിലെ പ്രതി ആലുവ ട്രാഫിക്ക് പൊലീസ് സ്റ്റേഷനിലെ സി.പി.ഒ അജാസി (33)നെതിരെ ഇന്ന് നടപടിയുണ്ടാകും. പ്രാഥമി​ക അന്വേഷണ റിപ്പോർട്ട് ഇന്ന് ലഭിക്കുമെന്നും തുടർന്ന് വകുപ്പുതല അച്ചടക്ക നടപടി സ്വീകരിക്കുമെന്നും റൂറൽ ജില്ലാ പൊലീസ് മേധാവി കെ. കാർത്തിക് 'കേരളകൗമുദി'യോട് പറഞ്ഞു.

വീട് നിർമ്മാണത്തിനെന്ന പേരിൽ കഴി​ഞ്ഞ ഒമ്പതാം തീ​യതി​ മുതൽ രണ്ടാഴ്ചത്തേക്ക് അവധിയി​ലായി​രുന്നു അജാസ്. 50 ശതമാനം പൊള്ളലേറ്റ അജാസും ഗുരുതരാവസ്ഥയിൽ ചികിത്സയിലാണ്. മലപ്പുറം സ്വദേശിയായ ഇയാൾ കാക്കനാട് വാഴക്കാലയിൽ സ്ഥലംവാങ്ങി വീടുവച്ചുകൊണ്ടിരിക്കുകയാണ്. 2018 ജൂലായിലാണ് ആലുവ ട്രാഫിക് പൊലീസ് സ്റ്റേഷനിലേക്ക് സ്ഥലം മാറിയെത്തിയത്.