കൊച്ചി: തൃപ്പൂണിത്തുറ ഗവ.സംസ്കൃത കോളേജിൽ സംസ്കൃതം, ജ്യോതിഷം വിഭാഗത്തിലെ ഒഴിവുകളിലേക്ക് ഗസ്റ്റ് അദ്ധ്യാപകരെ നിയമിക്കുന്നതിനായി നാളെ (ബുധൻ ) വാക് ഇൻ ഇന്റർവ്യു നടത്തും. 55 ശതമാനം മാർക്കോടെ ബന്ധപ്പെട്ട വിഷയങ്ങളിൽ ബിരുദാനന്തര ബിരുദം നേടിയവരും യു.ജി.സി യോഗ്യതയുള്ളവരും അതാത് മേഖലാ കോളേജ് വിദ്യാഭ്യാസ ഉപമേധാവിയുടെ ഗസ്റ്റ് അദ്ധ്യാപക ലിസ്റ്റിൽ ഉൾപ്പെട്ടവരുമായിരിക്കണം. യു.ജി.സി യോഗ്യതയുള്ളവരുടെ അഭാവത്തിൽ മറ്റുള്ളവരെയും പരിഗണിക്കും. താത്പര്യമുള്ളവർ നാളെ രാവിലെ 11 ന് അസൽ സർട്ടിഫിക്കറ്റുകളുമായി ഹാജരാകണമെന്ന് പ്രിൻസിപ്പൽ അറിയിച്ചു.