ഇടപ്പള്ളി: മഴക്കാലം തുടങ്ങിയതോടെ പടർന്നു പിടിച്ച പനി​ കൂടുതൽ
വ്യാപിക്കുന്നു . സർക്കാർ ആശുപത്രികളിലെ പനി ക്ലിനിക്കുകളിൽ
തിരക്കേറി .കഴിഞ്ഞ ദിവസം പനിക്കു ചികിത്സ തേടി വിവിധ ആശുപത്രികളിൽ എത്തിയത്
ആയിരത്തോളം പേരാണ് . ഇതിൽ പതിനൊന്നു പേർക്ക് ഡെങ്കി പനിയാണെന്ന്
സ്ഥിരീകരിച്ചിട്ടുണ്ടെന്ന് ജില്ലാ മെഡിക്കൽ ഓഫീസർ എൻ .കെ.കുട്ടപ്പൻ പറഞ്ഞു
. ആറു പേർ നിരീക്ഷണത്തിലാണ് . ഇവരുടെ രക്ത സാംപിളുകൾ പരിശോധനക്ക്
അയച്ചിരിക്കുകയാണ് . അങ്കമാലി ,തുറവൂർ ഭാഗങ്ങളിൽ നിന്നുമാണ് ഇപ്പോൾ
പ്രധാനമായും ഡെങ്കി പനി റിപ്പോർട്ടു ചെയ്യുന്നതെന്ന് ഡി .എം .ഒ
പറഞ്ഞു .എന്നാൽ മുൻകാലങ്ങളെ
അപേക്ഷിച്ച് ഇത്തവണ ഡെങ്കി പനി കേസുകൾ കുറവാണെന്ന്
ആരോഗ്യ വകുപ്പ് അധികൃതർപറയുന്നു. ജില്ലാ ആശുപത്രിയിലെ പനി​ സെല്ലിലെ കണക്കു പ്രകാരം 917 പേർക്കാണ് കഴിഞ്ഞ ദിവസം വൈറൽ പനി​ പിടിപെട്ടത് .
.ഇടപ്പള്ളിയിലെ ആരോഗ്യ കേന്ദ്രത്തിൽ മാത്രം കഴിഞ്ഞ ദിവസം
മുപ്പതോളം പേർ ചികിത്സ തേടിയെത്തി . എന്നാൽ തീര പ്രദേശങ്ങളിൽ
നിന്നും കാര്യമായ പകർച്ചപനികളൊന്നും ഇതുവരെറിപ്പോർട്ട് ചെയ്തി​ട്ടി​ല്ല.

എല്ലാ സർക്കാർ ആശുപത്രികളിലും പ്രത്യേക പനി​ ക്ലിനിക്കുകൾ പ്രവർത്തന
സജ്ജമാക്കിയിട്ടുണ്ട് . ജില്ലാ ആശുപത്രി​യിൽ പ്രത്യേക സൗകര്യങ്ങളും ഒരുക്കി .
ആവശ്യമായ മുൻകരുതലുകളെല്ലാം സ്വീകരിച്ചു വരുന്നു . വേണ്ടി
വന്നാൽ മൊബൈൽ പനീ ക്ലിനിക്കുകളും രംഗത്തി​റങ്ങും

.ജില്ലാ മെഡിക്കൽ ഓഫീസർ എൻ .കെ .കുട്ടപ്പൻ