മൂവാറ്റുപുഴ: ലോറിയിടിച്ച് ബൈക്ക് യാത്രികൻ തൽക്ഷണം മരിച്ചു. സഹയാത്രികന് ഗുരുതര പരിക്കേറ്റു. ചേർത്തല തണ്ണീർമുക്കം 15ാം വാർഡിൽ കണ്ടത്തിൽ ഔസേഫ്‌-ലിസമ്മ ദമ്പതികളുടെ മകൻ വിപിൻ ഔസേഫ്(19)ആണ് മരിച്ചത്. തണ്ണീർ മുക്കം സ്വദേശി ആരോമൽ (19) കോലഞ്ചേരി മെഡിക്കൽ കോളേജ് ആശുപത്രിയിലാണ്.

ഞായറാഴ്ചയാണ് സുഹൃത്തുക്കളായ നാലംഗസംഘം മൂന്നാറിലേക്ക് വിനോദയാത്രയ്ക്ക് രണ്ട് ബൈക്കുകളിലായി പോയ ശേഷം മടങ്ങുകയായിരുന്നു.

തിങ്കളാഴ്ച രാത്രി 11.30 ന് മൂവാറ്റുപുഴ എം.സി. റോഡിൽ ഉന്നക്കുപ്പ വളവിലാണ് സംഭവം. മൂവാറ്റുപുഴ ഭാഗത്തേക്ക് വരുകയായിരുന്ന ലോറി എതിരേവന്ന ബൈക്കിലാണ് ഇടിച്ചത് . വിപിന്റെ ശരീരത്തിലൂടെ ലോറി കയറിഇറങ്ങി. ഫയർഫോഴ്‌സാണ് പരിക്കേറ്റയാളെ ആശുപത്രിയിലെത്തിച്ചത്.

വിപിന്റെ സഹോദരൻ: മെൽബിൻ. സംസ്‌കാരം ഇന്ന് രാവിലെ 8.30ന് ചാലിൽ തിരുഹൃദയ പള്ളി സെമിത്തേരിയിൽ.