കൊച്ചി: ഡച്ച് ഡിഫൻഡർ ജിയാനി സൂയിവെർലോണുമായി കേരള ബ്ലാസ്റ്റേഴ്‌സ് കരാറിൽ ഒപ്പിട്ടു. നെതർലാന്റിലെ റൊട്ടർഡാം സ്വദേശിയായ സൂയിവെർലോൺ ഫുട്‌ബാൾ കരിയർ ആരംഭിക്കുന്നത് ഫെയെനൂർഡ് ക്ലബ്ബിന്റെ യുവ ടീമിലാണ്. 2004 ൽ ഫെയെനൂർഡ് സീനിയർ ടീമിന് വേണ്ടി അരങ്ങേറ്റം കുറിച്ചു. പ്രീമിയർ ലീഗിലും ലലീഗയിലും മല്ലോർക്കയ്ക് വേണ്ടി കളിച്ചു. പിന്നീട്‌ ഡച്ച് ഫുട്ബാളിലേക്കു തിരികെയെത്തി.കൾച്ചറൽ ലിയോനിസ്സയ്ക് വേണ്ടി രണ്ടു സീസണുകളിൽ കുപ്പായമണിഞ്ഞു.നെതർലാൻഡ് അണ്ടർ- 19 യൂറോപ്യൻ ചാമ്പ്യന്മാരായപ്പോൾ ടീമംഗമായിരുന്നു. 2018ൽ ഡൽഹി ഡൈനോമോസിന്റെ താരമായി ഇന്ത്യൻ സൂപ്പർ ലീഗിൽ എത്തി. ഹോളണ്ട്, ഇംഗ്ലണ്ട്, സ്പെയിൻ തുടങ്ങിയ രാജ്യങ്ങളിലെ ക്ലബ്ബുകളിൽ കളിച്ചു പരിചയസമ്പന്നനായ സുയിവിർലോൺ ബ്ലാസ്റ്റേഴ്‌സിന്റെ പ്രതിരോധ നിരയ്ക് മുതൽ കൂട്ടാണെന്ന് കോച്ച് എൽക്കോ ഷറ്റോറി പറഞ്ഞു.