ആലുവ : പ്രളയത്തിൽ വീട് നഷ്ടപ്പെട്ടവർക്കായി ജം ഇയ്യത്തുൽ ഉലമ എ ഹിന്ദ് നിർമ്മി​ച്ച 22 വീടുകളുടെ താക്കോൽ ദാനം ജൂലായ് ഒന്നിന് നടക്കുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു. ആലുവ തുരുത്ത് ടി.എം.ജെ ഹാളിൽ വൈകീട്ട് അഞ്ചിന് ജം ഇയ്യത്തുൽ ഉലമ എ ഹിന്ദ് അഖിലേന്ത്യാ സെക്രട്ടറി മൗലാന സയ്യെദ് മഹമൂദ് മദനി താക്കോൽ ദാനം നിർവഹിക്കും. ജില്ലാ കളക്ടർ എസ്. സുഹാസ് മുഖ്യാതിഥിയാകും.പറവൂർ, വയൽക്കര, കുഞ്ഞിനിക്കര, കൊണ്ടോട്ടി, അടിമാലി എന്നിവിടങ്ങളിലാണ് വീടുകൾ നിർമ്മി​ച്ചിരിക്കുന്നത്. 400 ചതുരശ്ര അടി വിസ്തീർണമുള്ള വീടുകൾക്ക് നാലു ലക്ഷം രൂപ വീതമാണ് ചെലവായത്.