പറവൂർ : സംസ്കൃത പണ്ഡിതനും നന്ത്യാട്ടുകുന്നം എസ്.എൻ.വി സ്കൂൾ സ്ഥാപകനുമായ ഡോ.പി.ആർ.ശാസ്ത്രിയുടെ 21 -ാം ചരമ വാർഷികത്തോടനുബന്ധിച്ച് പറവൂർ എസ്.എൻ.ഡി.പി യൂണിയന്റേയും എസ്.എൻ.വി സംസ്കൃതം ഹയർ സെക്കൻഡറി സ്കൂളിന്റേയും സംയുക്താഭിമുഖ്യത്തിൽ നാളെ (ചൊവ്വ) അനുസ്മരണം നടക്കും. രാവിലെ സ്കൂൾ അങ്കണത്തിലെ പി.ആർ.ശാസ്ത്രിയുടെ സ്മൃതിമണ്ഡപത്തിൽ പുഷ്പാർച്ചന നടക്കും. പത്തരയ്ക്ക് അനുസ്മരണ സമ്മേളനം എസ്.എൻ.ഡി.പി യോഗം കൗൺസിലർ ഇ.എസ്. ഷീബ ടീച്ചർ ഉദ്ഘാടനം ചെയ്യും. സ്കൂൾ മാനേജറും പറവൂർ യൂണിയൻ സെക്രട്ടറിയുമായ ഹരി വിജയൻ അദ്ധ്യക്ഷത വഹിക്കും. യൂണിയൻ പ്രസിഡന്റ് സി.എൻ. രാധാകൃഷ്ണൻ മുഖ്യപ്രഭാഷണം നടത്തും. യൂണിയൻ വൈസ് പ്രസിഡന്റ് ഷൈജു മനയ്ക്കപ്പടിയും പി.ടി.എ പ്രസിഡന്റ് എം.കെ. ആഷിക്കും എന്റോൺമെന്റുകൾ വിതരണം ചെയ്യും. യോഗം ഇൻസ്പെക്ടിംഗ് ഓഫീസർ ഡി. ബാബു, യോഗം ഡയറക്ടർ ബോർഡ് അംഗങ്ങളായ പി.എസ്. ജയരാജ്, ഡി. ബിനു, നഗരസഭ വാർഡ് കൗൺസിലർ ടി.വി. നിഥിൻ, യൂണിയൻ കൗൺസിലർമാരായ ഡി. പ്രസന്നകുമാർ, കെ.ബി. സുഭാഷ്സ വി.എൻ. നാഗേഷ്, വി.പി.ഷാജി, ടി.എം. ദിലീപ്, പി.ടി. ശിവസുതൻ, ടി.പി. കൃഷ്ണൻ, സ്കൂൾ സ്റ്റാഫ് സെക്രട്ടറിമാരായ കെ.വി. സാഹി, പി. മോഹൻകുമാർ എന്നിവർ ആശംസകൾ അർപ്പിക്കും.