രാജാക്കാട്: ബോഡിമെട്ടിൽ വിനോദസഞ്ചാരികൾ കഞ്ചാവുമായി പിടിയിൽ. തമിഴ്നാട് കോയമ്പത്തൂർ പ്യൂൺ കോളനിയിലെ മുത്തുകുമാർ (25), മധുര സ്വദേശി സുന്ദർ പ്രകാശ് (22) എന്നിവരാണ് എക്‌സൈസ് ഇൻസ്‌പെക്ടർ പി.എം. കുഞ്ഞുമുഹമ്മദിന്റെ നേതൃത്വത്തിൽ നടന്ന വാഹന പരിശോധനയിൽ പിടിയിലായത്. 35ഗ്രാം കഞ്ചാവ് ഇവരിൽ നിന്ന് കണ്ടെടുത്തു. പ്രതികൾ സഞ്ചരിച്ചിരുന്ന സ്‌കോർപ്പിയോ വാഹനവും പിടികൂടി. മൂന്നാറിലേക്ക് വിനോദയാത്രയ്ക്കു വന്നതാണ് ഇരുവരും. പരിശോധനയിൽ സിവിൽ എക്‌സൈസ് ആഫീസർമാരായ പി.കെ. ബെന്നി, കെ.കെ. സജിത്ത്കുമാർ, വി. റിനേഷ് എന്നിവരും പങ്കെടുത്തു.