കുമളി: ഇരുകാലുകളിലും കഞ്ചാവ് വച്ച് കെട്ടി കടത്താൻ ശ്രമിച്ചയാൾ കുമളി എക്‌സൈസ് പരിശോധനയിൽ പിടിയിലായി. കോട്ടയം കാഞ്ഞിക്കുഴി സ്വദേശി കൊച്ച് പുളിമൂട് വീട്ടിൽ ജെൻസാണ് (32) പിടിയിലായത്. ഇയാളുടെ പക്കൽ നിന്ന് 1.1 കിലോഗ്രാം കഞ്ചാവ് കണ്ടെത്തി. പ്ലാസ്റ്റിക് കവറിൽ പൊതിഞ്ഞ കഞ്ചാവ് ഇരുകാലിന്റെയും മുട്ടിന് താഴെ കെട്ടിയാണ് കടത്താൻ ശ്രമിച്ചത്. തമിഴ്‌നാട്ടിൽ നിന്ന് വാങ്ങിയ കഞ്ചാവ് കോട്ടയത്ത് എത്തിച്ച് വിൽപ്പനയാണ് പതിവ്. ഇടുക്കി എക്സൈസ് ഇന്റലിജൻസിന് ലഭിച്ച രഹസ്യവിവരത്തെ തുടർന്നാണ് പ്രതി പിടിയിലായത്. ഇൻസ്‌പെക്ടർ ജെനിഷ് എം.എസ്, പ്രിവന്റീവ് ഓഫീസർമാരായ മനോജ് സബാസ്റ്റ്യൻ, സതീഷ് കുമാർ, സനൽ നാഥ് ശർമ, ജോൺസൺ, ദീപികുമാർ, ജോബി തോമസ് എന്നിവരുടെ നേതൃത്വത്തിലാണ് പ്രതിയെ പിടികൂടിയത്.