മറയൂർ: കുടുംബവഴക്കിനെ തുടർന്ന് യുവാവ് പെട്രോൾ ഒഴിച്ച് തീ കത്തിച്ച് ആത്മഹത്യയ്ക്ക് ശ്രമിച്ചു. രക്ഷിക്കാൻ ശ്രമിച്ച ഭാര്യക്കും അഞ്ചര വയസ്സുകാരനും പൊള്ളലേറ്റു. മറയൂർ പഞ്ചായത്ത് പള്ള നാട്ടിൽ ബുധനാഴ്ച രാത്രി 11.20 നാണ് സംഭവം. പള്ളനാട് സ്വദേശി മണികണ്ഠ(35)നാണ് ആത്മഹത്യയ്ക്ക് ശ്രമിച്ചത് .ഭാര്യ പൂമാരി (28) മകൻ വിഷ്ണു (അഞ്ചര ) എന്നിവർക്ക് പൊള്ളലേറ്റു. മരംമുറിക്കുന്ന മിഷ്യൻ വാൾ ഓപ്പറേറ്ററാണ് മണികണ്ഠൻ. രാത്രി 11 മണിയോടു കൂടി ഭാര്യയുമായി ഉണ്ടായ തർക്കത്തിനൊടുവിൽ മിഷ്യൻ പ്രവർത്തിപ്പിക്കാൻ വീട്ടിൽ സൂക്ഷിച്ചിരുന്ന പെട്രോൾ എടുത്ത് വീടിന് പുറത്തിറങ്ങി ശരീരത്ത് ഒഴിച്ച് കത്തിക്കുകയായിരുന്നു. തീ പടർന്നതോടുകൂടി ഭാര്യ കുട്ടിയുമായി എത്തി രക്ഷിക്കാൻ ശ്രമിച്ചെങ്കിലും ഇവർക്ക് പിടികൊടുക്കാതെ ഒഴിഞ്ഞു മാറുകയായിരുന്നു .താഴെ വീണ മണികണ്ഠനേയും പൊള്ളലേറ്റ ഭാര്യയെയും മകനെയും മറയൂർ സാമൂഹികാരോഗ്യകേന്ദ്രത്തിൽ എത്തിച്ചു.തുടർന്ന് മണികണ്ഠനെ കോട്ടയം മെഡിക്കൽ കോളേജിൽ പ്രവേശിപ്പിച്ചു.85 ശതമാനം പൊള്ളലേറ്റതിനാൽ അതീവ ഗുരുതരമായി തുടരുന്നതായി ഡോക്ടർമാർ പറഞ്ഞു