ആലക്കോട്: ആലക്കോട് പഞ്ചായത്തിൽ ഹരിതകേരളം പദ്ധതിയ്ക്ക് തുടക്കമായി. പഞ്ചായത്ത് പ്രസിഡന്റ് ടോമി കാവാലം അദ്ധ്യക്ഷത വഹിച്ച പൊതുയോഗം ഇളംദേശം ബ്ലോക്ക് പഞ്ചായത്ത് പ്രസിഡന്റ് മർട്ടിൽ മാത്യു ഉദ്ഘാടനം ചെയ്തു. ജില്ലാ പഞ്ചായത്തംഗം സി.വി. സുനിത മുഖ്യപ്രഭാഷണം നടത്തി. പഞ്ചായത്തംഗങ്ങളായ ജോൺസൺ അബ്രാഹം, മിനി ജെറി, മിനി സേവ്യർ, ബിജു ജോസഫ്, ചന്ദ്രൻ നെല്ലാൻ, ബേബി ജോസഫ്, സഫിയ മുഹമ്മദ്, ശ്രീജ ബാബു, സെക്രട്ടറി കെ.എൻ. സുശീല, വി.ഇ.ഒമാരായ പി.ജെ. അജീഷ്‌കുമാർ, സരിത ഇബ്രാഹിം എന്നിവർ സംസാരിച്ചു. പഞ്ചായത്തംഗം റെജി സേവി സ്വാഗതവും വൈസ് പ്രസിഡന്റ് ഡാലി ഫ്രാൻസിസ് നന്ദിയും പറഞ്ഞു. ഹരിതകേരളം പദ്ധതിയുടെ ഭാഗമായി പ്രത്യേകം രൂപീകരിക്കപ്പെട്ട ഹരിതസേനയിലെ 12 അംഗങ്ങൾ മാസത്തിലൊരിക്കൽ വീടുകളിലെത്തി തരംതിരക്കപ്പെട്ട മാലിന്യങ്ങൾ ശേഖരിച്ച് സംസ്‌കരണത്തിന് വിധേയമാക്കും.