അരിക്കുഴ: എസ്.എൻ.ഡി.പി യോഗം 657-ാം നമ്പർ അരിക്കുഴ ശാഖയുടെ ആഭിമുഖ്യത്തിൽ നടത്തിയ ഗുരുദേവ പഞ്ചലോഹ വിഗ്രഹ പ്രതിഷ്ഠയുടെ മൂന്നാം വാർഷികം നടത്തി. ക്ഷേത്രാചാര്യൻ സച്ചിദാനന്ദസ്വാമിയും ക്ഷേത്രം തന്ത്രി ശ്രീനാരായണ പ്രസാദും ചടങ്ങുകൾക്ക് മുഖ്യ കാർമ്മികത്വം വഹിച്ചു. രാവിലെ ആറിന് നിർമ്മാല്യദർശനം, 6.50ന് മഹാഗണപതി ഹോമം, 7.30 ന് മഹാഗുരുപൂജ, 9.30 ന് കലശാഭിഷേകം, 11ന് സമൂഹാർച്ചന, 12.30ന് മഹാപ്രസാദ ഊട്ട്, 1.30 ന് ഗുരുധർമ്മ പ്രബോധനം എന്നിവ നടന്നു. ഉച്ചകഴിഞ്ഞ് മൂന്നിന് പ്രതിഷ്ഠാദിന വാർഷിക പൊതുസമ്മേളനം നടന്നു. എസ്.എൻ.ഡി.പി യോഗം തൊടുപുഴ യൂണിയൻ കൺവീനർ ഡോ. കെ. സോമന്റെ അദ്ധ്യക്ഷതയിൽ യോഗം അസി. സെക്രട്ടറി വി. ജയേഷ് ഉദ്ഘാടനം ചെയ്തു. ക്ഷേത്രം മേൽശാന്തി രതീഷ് ശാന്തി പ്രതിഷ്ഠാദിന സന്ദേശം നൽകി. യോഗം ഡയറക്ടർ ബോർഡ് അംഗം ഷാജി കല്ലാറയിൽ മുഖ്യപ്രഭാഷണം നടത്തി. ശാഖാ പ്രസിഡന്റ് ടി.പി. ബാബു സ്വാഗതവും വൈസ് പ്രസിഡന്റ് എം.കെ. പ്രസാദ് നന്ദിയും പറഞ്ഞു. ശാഖാ സെക്രട്ടറി ടി.എം. സുകുമാരൻ പങ്കെടുത്തു.