കട്ടപ്പന: സി.പി.എം അയ്യപ്പൻകോവിൽ ബ്രാഞ്ചിലെ സന്നദ്ധ സംഘടനയായ വാത്സല്യത്തിന്റെ നേതൃത്വത്തിൽ കുട്ടികൾക്കുള്ള പഠനോപകരണ വിതരണം നടത്തി. യോഗത്തിൽ ബാലസംഘം ജില്ലാ കമ്മിറ്റി അംഗം ജോജിന ഗ്രേസ് ജിജി അദ്ധ്യക്ഷത വഹിച്ചു. സി.പി.എം. അയ്യപ്പൻകോവിൽ ലോക്കൽ സെക്രട്ടറി സുമോദ് ജോസഫ് പഠനോപകരണ വിതരണം ഉദ്ഘാടനം ചെയ്തു. അൻപതോളം കുട്ടികൾക്കാണ് പഠനോപകരണങ്ങൾ വിതരണം ചെയ്തത്. യോഗത്തിൽ ബ്രാഞ്ച് സെക്രട്ടറി പി.ജെ. ജിജിമോൻ, വി.എ. ബാബു, ടെൻസ് ആന്റണി, കെ.സി. കുര്യൻ, അരുൺകുമാർ എന്നിവർ സംസാരിച്ചു.