കൊട്ടിയൂർ: പഞ്ചായത്ത്, റവന്യൂ വകുപ്പ് അധികൃതരെ നോക്കുകുത്തിയാക്കി കണ്ണൂർ ജില്ലയിലെ അതീവപരിസ്ഥിതി ലോല പ്രദേശമായ പാ​ൽ​ച്ചു​രം ആ​ശ്ര​മം ജം​ഗ്ഷ​നു സ​മീ​പം അനധികൃത റിസോർട്ട് നിർമ്മാണം തകൃതി.ആശ്രമം ജംഗ്ഷന് സമീപം ലങ്കയിലാണ് ​ മല തുരന്നും ജലാശയം നികത്തിയും ജ​നു​വ​രിയിൽ നി​ർ​മാ​ണം തു​ട​ങ്ങി​യ​ത്. എ​ട്ട് ഏ​ക്ക​ർ സ്ഥ​ല​ത്തു റി​സോ​ർട്ടു​ക​ളും ആ​യു​ർ​വേ​ദ മ​സാ​ജിം​ഗ് സെ​ന്ററു​ക​ളുമാണ് ഉയരുന്നത്.

ആദ്യഘട്ടത്തിൽ പഞ്ചായത്ത് ഉയർത്തിയ പ്രതിഷേധം തണുത്തതോടെ നിർമ്മാണം ഊർജ്ജിതമായിട്ടുണ്ടിപ്പോൾ.

കു​ന്നി​നു കു​റു​കെ കി​ലോ​മീ​റ്റ​റു​ക​ളോ​ളം റോ​ഡു നി​ർമ്മിക്കായിരുന്നു ആ​ദ്യം. പി​ന്നീ​ട് കെ​ട്ടി​ട നി​ർ​മാ​ണവും തു​ട​ങ്ങി. റി​സോ​ർ​ട്ടിന് ഒ​ര​നു​മ​തി​യും ന​ൽ​കി​യി​ട്ടി​ല്ലെന്നാണ് പഞ്ചായത്ത് അധികൃതർ പറയുന്നത്.എന്നാൽ ഇവർക്ക് ആരാണ് അനുമതി നൽകിയെന്നത് ഇപ്പോഴും ദുരൂഹമാണ് .

പു​ഴ​യു​ടെ​യും തോ​ടി​നും കു​റു​കെ ന​ട​ക്കു​ന്ന നി​ർ​മാ​ണത്തിനെ​തി​രെ നടപടി ആര് എടുക്കണമെന്ന കാര്യത്തിൽ റവന്യു,​പഞ്ചായത്ത് വകുപ്പുകൾ തമ്മിൽ ഇവിടെ തർത്തിലാണ്. പ​ഞ്ചാ​യ​ത്തി​ന്റെ​യും വി​ല്ലേ​ജി​ന്റെ​യും സ്റ്റോ​പ് മെ​മ്മോ​ക്കു പു​ല്ലു​വി​ല ക​ല്പി​ച്ചാ​ണ് ഇ​വി​ടെ കു​ന്നി​ടി​ച്ചു നി​ര​ത്തിയാണ് പ്രവൃത്തി പുരോഗമിക്കുന്നത്. മൂ​ന്നു​ഭാ​ഗ​വും കൊ​ട്ടി​യൂ​ർ വ​ന്യ​ജീ​വി സ​ങ്കേ​ത​ത്തി​ന്റെ അ​തി​ർ​ത്തി പ​ങ്കി​ടു​ന്ന ഇവിടെ ബാ​വ​ലി​പ്പു​ഴ​യ്ക്കു കു​റു​കെ പാ​ലം നി​ർ​മ്മിച്ചിട്ടുമുണ്ട്.

ക​ഴി​ഞ്ഞ പ്ര​ള​യ​ത്തി​ല​ട​ക്കം ഉ​രു​ൾ​പ്പൊ​ട്ട​ലു​ണ്ടാ​യ പ്ര​ദേ​ശ​ത്തി​ന​ടു​ത്താണ് ഇപ്പോഴത്തെ നിർമ്മാണ്. പാ​ൽ​ച്ചു​രം വെ​ള്ള​ച്ചാ​ട്ട​ത്തി​ലേ​ക്കു നേ​ര​ത്തേ ത​ന്നെ സ്വ​കാ​ര്യ​വ്യ​ക്തി​ക​ളു​ടെ പ​റ​മ്പി​ലൂ​ടെ വ​ഴി​യു​ണ്ടാ​യി​രു​ന്നു. ഈ ​സ്വ​കാ​ര്യ​വ​ഴി വീ​തി​കൂ​ട്ടി നി​ർ​മി​ച്ച് അ​ധി​കൃ​ത​രു​ടെ അ​നു​മ​തി വാ​ങ്ങാ​തെ​യാ​ണു ബാ​വ​ലി​പ്പു​ഴ​യ്ക്കു കു​റു​കെ പാ​ലം നി​ർ​മി​ച്ചി​ട്ടു​ള്ള​ത്.

കൊട്ടിയൂർ സോയിൽ പൈപ്പിംഗ് ഭീഷണിയിലാണ്

ക​ഴി​ഞ്ഞ പ്ര​ള​യ​ത്തി​നു ശേ​ഷം കൊ​ട്ടി​യൂ​ർ പ​ഞ്ചാ​യ​ത്തി​ലാ​കെ കെ​ട്ടി​ട​നി​ർ​മാ​ണ നി​രോ​ധ​നമേർപ്പെടുത്തിയിരുന്നു. പി​ന്നീ​ട് മാ​സ​ങ്ങ​ൾ​ക്കു ശേ​ഷം അ​തു നീ​ക്കി​. എ​ന്നാ​ൽ ഭൂമിയ്ക്കടിയിൽ മണ്ണ് ഒലിച്ചുനീങ്ങുന്ന സോ​യി​ൽ പൈ​പ്പിം​ഗ് പ്ര​തി​ഭാ​സ​മു​ണ്ടാ​യ മേ​ഖ​ല എ​ന്ന നി​ല​യി​ൽ വ​ൻ​കി​ട നി​ർ​മാ​ണ​ങ്ങ​ൾ​ക്ക് ഇ​പ്പോ​ഴും കൊ​ട്ടി​യൂ​ർ പ​ഞ്ചാ​യ​ത്തി​ൽ അ​നു​മ​തി​യി​ല്ല. 45 ഡി​ഗ്രി ചെ​രി​വു​ള്ള ഈ ​മേ​ഖ​ല​യി​ൽ മ​ഴ​ക്കു​ഴി പോ​ലും നി​ർ​മി​ക്കാ​ൻ പാ​ടി​ല്ലെ​ന്നും ഇ​വി​ടെ​യു​ള്ള ജ​ന​ങ്ങ​ളെ സു​ര​ക്ഷി​ത സ്ഥ​ല​ങ്ങ​ളി​ലേ​ക്കു മാ​റ്റി പാ​ർ​പ്പി​ക്ക​ണ​മെ​ന്നു​മാ​ണു പ്ര​ള​യ​ത്തി​നു ശേ​ഷം ഇ​വി​ടെ പ​ഠ​നം ന​ട​ത്തി​യ സെ​ന്റ​ർ ഫോ​ർ എ​ൻ​വ​യേ​ർ​മെന്റ് സ്റ്റ​ഡീ​സ് അ​ധി​കൃ​ത​ർ റി​പ്പോ​ർ​ട്ട്. അഞ്ച് മാസമായി നടത്തുന്ന റിസോർട്ട് നിർമ്മാണത്തിന് അനുമതി നൽകേണ്ടത് ജില്ലാ ടൗൺ പ്ളാനിംഗ് ഓഫീസിൽ നിന്ന് ലഭിക്കുന്ന റിപ്പോർട്ട് അനുസരിച്ചാണ്.എന്നാൽ ടൗൺ പ്ളാനിംഗ് ഓഫീസിൽ നിന്ന് അനുമതിയില്ലാതെയാണ് ഇവിടത്തെ നിർമ്മാണം.

സമരവഴിയൊരുങ്ങുന്നു

പാൽച്ചുരത്ത് നടക്കുന്ന അനധികൃത റിസോർട്ട് നിർമാണത്തിനെതിരെ ശക്തമായ പ്രക്ഷോഭത്തിനും നിയമനടപടികൾക്കും ഒരുങ്ങുകയാണ് പ്രദേശവാസികളും പരിസ്ഥിതി സംഘടനകളും. ഹരിതട്രിബ്യൂണൽ, മനുഷ്യാവകാശ കമ്മിഷൻ, ജില്ലാ കളക്ടർ എന്നിവർക്ക് പരാതി നൽകുന്നതോടൊപ്പം ജനകീയ ഒപ്പുശേഖരണവും നടത്തുന്നുണ്ട്. മഴക്കാലം തുടങ്ങിയതോടെ അടിവാരത്ത് താമസിക്കുന്ന മേലെ പാൽച്ചുരം കോളനിവാസികളുൾപ്പെടെ നൂറുകണക്കിന് കുടുംബങ്ങൾ ആശങ്കയിലാണ്. ശാസ്ത്രസാഹിത്യ പരിഷത്ത് പേരാവൂർ മേഖലാ കമ്മിറ്റി നിർമ്മാണത്തിനെതിരെ രംഗത്തുവന്നിട്ടുണ്ട്. പരിഷത്ത് പേരാവൂർ മേഖലാ സെക്രട്ടറി കെ.. വിനോദ് കുമാർ, എം..വി.. മുരളീധരൻ, കൊട്ടിയൂർ മേഖലാ യൂണിറ്റ് സെക്രട്ടറി ഒ.. എം.. കുര്യാച്ചൻ, ഇ.ജെ.. ആഗസ്തി, വിശ്വംഭരൻ എന്നിവർ സ്ഥലം സന്ദർശിച്ചു. 45 ഡിഗ്രി ചെരിവുള്ള മേഖലയിൽ മഴക്കുഴി പോലും പാടില്ല