ഉദുമ: പാരലൽ കോളേജ് അസോസിയേഷൻ ജില്ലാ കോളേജ് പ്രതിനിധി സംഗമം ഉദുമ കാപ്പിൽ സനാബിൽ കോൺഫറൻസ് ഹാളിൽ സമാപിച്ചു. ഉദുമ ഗ്രാമ പഞ്ചായത്ത് പ്രസിഡന്റ് കെ.എ മുഹമ്മദലി ഉദ്ഘാടനം ചെയ്തു. ജില്ലാ പ്രസിഡന്റ് കാപ്പിൽ കെ. ബി.എം ശരീഫ് അധ്യക്ഷത വഹിച്ചു. ജില്ലയിലെ 30 കോളേജുകകളിൽ നിന്നായി 60 പ്രതിനിധികൾ പങ്കെടുത്തു.
സംസ്ഥാന പ്രസിഡന്റ് ജിജി വർഗീസ്, സംസ്ഥാന രക്ഷാധികാരി ഡോ. രാജേഷ് മേനോൻ, മുൻ പ്രസിഡന്റ് രാജൻ തോമസ്,
സംസ്ഥാന വൈസ് പ്രസിഡന്റ് യു. നാരായണൻ തുടങ്ങിയവർ വിവിധ വിഷയങ്ങളിൽ പ്രസംഗിച്ചു. ജില്ലാ സെക്രട്ടറി ടി.വി വിജയൻ സ്വാഗതവും ജില്ലാ ട്രഷറർ വിജയൻ നമ്പ്യാർ നന്ദിയും പറഞ്ഞു.

ജില്ലാ പാരലൽ കോളേജ് പ്രവർത്തക കൺവെൻഷൻ ഉദുമ ഗ്രാമപഞ്ചായത്ത് പ്രസിഡന്റ് കെ.എ. മുഹമ്മദാലി ഉദ്ഘാടനം ചെയ്യുന്നു.