കണ്ണൂർ: പ്രവാസി വ്യവസായി സാജൻ ആ​ത്മ​ഹ​ത്യ​ചെ​യ്ത സം​ഭ​വ​ത്തി​ൽ പാർത്ഥാ കൺവെൻഷൻ സെന്ററിന്റെ ഓ​ഫീ​സി​ലും ആ​ന്തൂ​ർ ന​ഗ​ര​സ​ഭ​യി​ലും പൊ​ലീ​സ് ന​ട​ത്തിയ പരിശോധന പൂർത്തിയായി. ആ​ന്തൂ​ർ ന​ഗ​ര​സ​ഭ​യി​ൽ നിന്ന് എ​ട്ട് ഫ​യ​ലു​ക​ളും സാ​ജ​ന്റെ ഓ​ഫീ​സി​ൽ നി​ന്ന് ആ​റു ഫ​യ​ലു​ക​ളും ക​സ്റ്റ​ഡി​യി​ലെ​ടു​ത്തു. ചൊവ്വാഴ്ച ഉ​ച്ച​യ്‌ക്ക് തു​ട​ങ്ങി​യ പ​രി​ശോ​ധ​ന ഇ​ന്നലെ പു​ല​ർ​ച്ചെ മൂ​ന്നി​നാ​ണ് തീ​ർ​ന്ന​ത്.​ ഡി​വൈ​.എസ്.പി വി.​എ.​ കൃ​ഷ്ണ​ദാ​സ്, വ​ള​പ​ട്ട​ണം സി.​ഐ എം.​ കൃ​ഷ്ണ​ൻ, എ​സ്.ഐ പി.​ വി​ജേ​ഷ് എ​ന്നി​വ​രു​ടെ നേ​തൃ​ത്വ​ത്തി​ലാണ് ക​ൺ​വെ​ൻ​ഷ​ൻ സെ​ന്ററി​ലെ ഓ​ഫീ​സും ന​ഗ​ര​സ​ഭാ ഓ​ഫീ​സും പ​രി​ശോ​ധി​ച്ച​ത്.

പാ​ർത്ഥാ​​ ക​ൺ​വെ​ൻ​ഷ​ൻ സെ​ന്റർ പ്രോ​ജ​ക്ട് മാ​നേ​ജ​ർ സ​ജീ​വ​നി​ൽ നി​ന്നും മൊ​ഴി​യെ​ടു​ത്തി​രു​ന്നു. ന​ഗ​ര​സ​ഭ​യിലും സാ​ജ​ന്റെ ഓ​ഫീ​സി​ലും ബാക്കിയുള്ളവരിൽ നിന്ന് മൊ​ഴി​യെ​ടു​ത്തു വ​രി​ക​യാ​ണ്. ഓ​ഫീ​സി​ലെ നാ​ലു ജീ​വ​ന​ക്കാ​രു​ടെ മൊ​ഴി വീ​ണ്ടും ശേ​ഖ​രി​ക്കു​ന്നു​ണ്ട്. സി.​സി ടി​വി കാ​മ​റ​ക​ളി​ലെ ദൃ​ശ്യ​ങ്ങ​ളും പരിശോധിക്കും. ക​ണ്ണൂ​രി​ൽ ഏ​ഴ് ബാ​ങ്കു​ക​ളി​ൽ അ​ക്കൗ​ണ്ടു​ള്ള സാ​ജ​ന് ക​ൺ​വെ​ൻ​ഷ​ൻ സെ​ന്ററിന്റെ ​പേ​രി​ൽ സ​ഹ​ക​ര​ണ ബാ​ങ്കി​ൽ 50 ല​ക്ഷം രൂ​പ​യു​ടെ വാ​യ്പ​യും മ​റ്റൊ​രു ബാ​ങ്കി​ൽ അ​ഞ്ചു​ല​ക്ഷം രൂ​പ​യു​ടെ വ്യ​ക്തി​ഗ​ത വാ​യ്പ​യും മാ​ത്ര​മാ​ണു​ള്ള​ത്‌.