ക​ണ്ണൂ​ർ: തീരാത്ത വിവാദങ്ങൾക്കിടെ ആന്തൂർ ഉൾപ്പടെയുള്ള വിഷയങ്ങൾ ചർച്ച ചെയ്യാൻ വിളിച്ചു ചേർത്ത സി.പി. എം ജില്ലാ കമ്മിറ്റി യോഗം ഇന്ന് സംസ്ഥാന സെക്രട്ടറി കോടിയേരി ബാലകൃഷ്ണന്റെ സാന്നിദ്ധ്യത്തിൽ ചേരും. ലോക് സഭാ തിരഞ്ഞെടുപ്പ് ഫലം അവലോകനം ചെയ്യാനും സംസ്ഥാന കമ്മിറ്റി തീരുമാനങ്ങൾ റിപ്പോർട്ട് ചെയ്യാനുമാണ് ജില്ലാ കമ്മിറ്റി വിളിച്ചു ചേർക്കുന്നതെങ്കിലും വിവാദ വിഷയങ്ങൾ സ്പർശിച്ചേക്കും.

ഇലയ്ക്കും മുള്ളിനും കേടുവരാത്ത വിധം ആന്തൂർ വിഷയം രമ്യമായി പരിഹരിക്കണമെന്ന് ഇന്നലെ ചേർന്ന ജില്ലാ സെക്രട്ടറിയേറ്റ് യോഗത്തിൽ ധാരണയായിട്ടുണ്ട്. അതിനിടെ നിരന്തരം പാർട്ടിയെ വെല്ലുവിളിക്കുന്ന സംസ്ഥാന കമ്മിറ്റി അംഗം പി.ജയരാജന്റെ നിലപാടുകളിൽ ജില്ലാ നേതൃത്വത്തിന് കടുത്ത അതൃപ്തിയുമുണ്ട്. പ്ര​വാ​സി വ്യ​വ​സാ​യി​യു​ടെ ആ​ത്മ​ഹ​ത്യ​യു​മാ​യി ബ​ന്ധ​പ്പെ​ട്ട് ആ​ന്തൂ​ർ ന​ഗ​ര​സ​ഭ ചെ​യ​ർ​പേ​ഴ്സ​ൺ പി.​കെ. ശ്യാ​മ​ള​യ്ക്കെ​തി​രേ സി​..പി​..എം ക​ണ്ണൂ​ർ ജി​ല്ലാ​ക​മ്മി​റ്റി വി​ളി​ച്ചു ചേ​ർ​ത്ത അ​ടി​യ​ന്ത​ര യോ​ഗ​ത്തി​ൽ ശ​ക്ത​മാ​യ വി​മ​ർ​ശ​നം ഉ​യ​ർ​ന്നി​രു​ന്നു. പി.​കെ. ശ്യാ​മ​ള​യു​ടെ രാ​ജി​യ​ട​ക്കം ജി​ല്ലാ​ക​മ്മി​റ്റി ആ​വ​ശ്യ​പ്പെ​ട്ടി​രു​ന്നു. എ​ന്നാ​ൽ ജി​ല്ലാ ക​മ്മി​റ്റി​യു​ടെ ഈ ​ആ​വ​ശ്യം സം​സ്ഥാ​ന സ​മി​തി അം​ഗീ​ക​രി​ച്ചി​ല്ല. സി​പി​എം സം​സ്ഥാ​ന സ​മി​തി യോ​ഗ​ത്തി​നു​ശേ​ഷം പി.​കെ. ശ്യാ​മ​ള​യ്ക്കു പൂ​ർ​ണ പി​ന്തു​ണ​യാ​ണ് ന​ൽ​കി​യ​ത്. ആന്തൂർ നഗരസഭാ പരിധിയിലെ കോടല്ലൂർ,​ ആന്തൂർ,​ ബക്കളം മോറാഴ ലോക്കൽ കമ്മിറ്റികളും ത​ളി​പ്പ​റ​മ്പ് ഏ​രി​യാ ക​മ്മി​റ്റി​യും ശ്യാമളയുടെ നിലപാടുകളെ എതിർത്തിരുന്നു. . ജ​യിം​സ് മാ​ത്യു എം..​എ​ൽ​..എ, പി. ​ജ​യ​രാ​ജ​ൻ തു​ട​ങ്ങി​യ​വ​ർ പ്ര​വാ​സി വ്യ​വ​സാ​യി​യു​ടെ ആ​ത്മ​ഹ​ത്യ​യു​മാ​യി ബ​ന്ധ​പ്പെ​ട്ട് രൂ​ക്ഷ​മാ​യ ഭാ​ഷ​യി​ലാ​ണ് ആ​ന്തൂ​ർ ന​ഗ​ര​സ​ഭ​യ്ക്കെ​തി​രേ പ്ര​തി​ക​രി​ച്ച​ത്.

ശ്യാ​മ​ള തെ​റ്റു​കാ​രി​യാ​ണെ​ന്നും മാ​റ്റി നി​ർ​ത്ത​ണ​മെ​ന്നും ആ​വ​ശ്യ​പ്പെ​ട്ട് ജി​ല്ലാ​ക​മ്മി​റ്റി സം​സ്ഥാ​ന നേ​തൃ​ത്വ​ത്തെ അ​റി​യി​ച്ചി​രു​ന്നു. എ​ന്നാ​ൽ ശ്യാ​മ​ള​യെ വി​മ​ർ​ശി​ച്ച ക​ണ്ണൂ​രി​ലെ സി​പി​എം നേ​താ​ക്ക​ൾ​ക്കെ​തി​രേ രൂ​ക്ഷ​മാ​യ എ​തി​ർ​പ്പും സം​സ്ഥാ​ന സ​മി​തി​യി​ലു​ണ്ടാ​യി. ഇ​തി​നി​ടെ ആ​ന്തൂ​ർ വി​ഷ​യ​ത്തി​ൽ ജ​യിം​സ് മാ​ത്യു എം​എ​ൽ​എ സി​.പി​.എം കേ​ന്ദ്ര​ക​മ്മി​റ്റി​യം​ഗം എം.​വി. ഗോ​വി​ന്ദ​നെതിരെ രം​ഗ​ത്ത് വ​രി​ക​യും ചെ​യ്തി​രു​ന്നു. സി​..പി​..എം ക​ണ്ണൂ​ർ ജി​ല്ലാ മു​ൻ സെ​ക്ര​ട്ട​റി പി.​ജ​യ​രാ​ജ​നെ​തി​രെയും സം​സ്ഥാ​ന സ​മി​തി​യി​ൽ വി​മ​ർ​ശ​ന​മു​ണ്ടാ​യി​രു​ന്നു. ക​ണ്ണൂ​രി​ലെ നേ​താ​ക്ക​ൾ ത​മ്മി​ലു​ള്ള ഭി​ന്ന​ത ആ​ന്തൂ​ർ വി​ഷ​യ​ത്തോ​ടെ മ​റ നീ​ക്കി പു​റ​ത്തു വ​ന്നി​രി​ക്കു​ന്ന പ​ശ്ചാത്ത​ല​ത്തി​ലാ​ണ് ജില്ലാ നേതൃയോഗങ്ങൾ നടക്കുന്നത്. ശ്യാ​മ​ള​യ്ക്ക് പി​ന്തു​ണ അ​റി​യി​ച്ച സം​സ്ഥാ​ന സ​മി​തി​യു​ടെ തീ​രു​മാ​നം ജി​ല്ലാ​ക​മ്മി​റ്റി​യി​ൽ റി​പ്പോ​ർ​ട്ട് ചെ​യ്യേ​ണ്ടി​വ​രും. അ​തി​നാ​ൽ സം​സ്ഥാ​ന സ​മി​തി​യു​ടെ തീ​രു​മാ​നം ജി​ല്ലാ ക​മ്മി​റ്റി അം​ഗീ​ക​രി​ക്കേ​ണ്ടി വ​രും.