വടകര: വോട്ടര്‍മാര്‍ക്ക് നന്ദി പറയാനായി കെ. മുരളീധരന്‍ എം പി വടകര നിയോജകമണ്ഡലത്തില്‍ തിങ്കളാഴ്ച പര്യടനം നടത്തി. ചോറോട് പഞ്ചായത്തിലെ കുരിയാടിയില്‍ നിന്ന്‍ തുടങ്ങിയ പര്യടനം ഡി സി സി പ്രസിഡന്റ് ടി. സിദ്ദിക്ക് ഉദ്ഘാടനം ചെയ്തു. വിശ്വാസികളുടെ നെഞ്ചകം പിളര്‍ത്തുന്ന സി പി എം ന്റെ നടപടിയാണ് ലോകസഭ തെരഞ്ഞടുപ്പില്‍ ഇടതു പക്ഷത്തിന്റെ കനത്ത തോല്‍വിക്ക് കാരണമെന്ന് അദ്ദേഹം പറഞ്ഞു. സി. പി .എം മുന്‍ നേതാവ് സി. ഒ. ടി. നസീറിനെ ആക്രമിച്ച കേസ്സ് അന്വേഷിക്കാന്‍ അക്രമക്കേസില്‍ പ്രതിയായ ടി പി രാജേഷിനെ നിയമിച്ച സി പി എം നടപടി അപഹാസ്യമാണെന്ന് അദ്ദേഹംകൂട്ടിച്ചേര്‍ത്തു. മത്സ്യതൊഴിലാളികളുടെതടക്കമുള്ളവരുടെ വികസനത്തിനായി പ്രത്യേക രൂപരേഖ തെയ്യാറാക്കുമെന്ന് സ്വീകരണത്തിനു മറുപടി പറയവേ മുരളീധരന്‍ പറഞ്ഞു. വടകര നിയോജകമണ്ഡലം യു ഡി എഫ് വര്‍ക്കിംഗ് ചെയര്‍മാന്‍ ഒ കെ കുഞ്ഞബ്ദുള്ള അദ്ധ്യക്ഷത വഹിച്ചു. കോട്ടയില്‍ രാധാകൃഷ്ണന്‍, ഐ മൂസ്സ, അഡ്വ. നാരായണന്‍ നായര്‍, സി വത്സന്‍, പ്രദീപ്‌ ചോമ്പാല, ടി. കേളു, പുറന്തോടത്ത് സുകുമാരന്‍, സി കെ വിശ്വനാഥന്‍, ബാബു ഒഞ്ചിയം, സതീശന്‍ കുരിയാടി, ഷംസുദ്ദീന്‍ കൈനാട്ടി , കെ പി കരുണന്‍, കളത്തില്‍ പീതാംബരന്‍, പി അശോകന്‍ എന്നിവര്‍ സംസാരിച്ചു. പര്യടനം വിവിധ സ്ഥലത്തെ സ്വീകരണത്തിനുശേഷം കോതി ബസാറില്‍ അവസാനിച്ചു .