ഫാറൂഖ് കോളേജ് : ​ ​പരിസ്ഥിതി സംരക്ഷണത്തിന്റെ ഭാഗമായ് ഫാറൂഖ് കോളേജ് പരിസരത്ത് പതിനായിരം മരങ്ങൾ നട്ടുവളർത്തുക എന്ന ലക്ഷ്യത്തിന് ഫാറൂഖ് കോളേജ് ഏരിയാ ജാഗ്രതാ സമിതി പ്രവർത്തകർ തുടക്കം കുറിച്ചു. പരിസരത്തെ പന്ത്രണ്ടോളം റസിഡന്റ്‌സ് അസോസിയേഷനുകളെ സഹകരിപ്പിച്ച് വിവിധ സ്ഥലങ്ങളിൽ വൃക്ഷ​ ​തൈകൾ നടുന്നതിന്റെ ഉദ്ഘാട​നം ​ രാമനാട്ടുകര നഗരസഭാ വിദ്യാഭ്യാസ സ്റ്റാന്റിങ് കമ്മിറ്റി ചെയർമാൻ രാമദാസൻ മണ്ണൊടി നിർവ്വഹിച്ചു. പരിസരത്തെ വിവിധ വാർഡ് കൗൺസിലർമാരായ സുലോചന , പ്രകാശൻ.കെ, സജ്‌ന മലയിൽ (വാഴയൂർ പഞ്ചായത്ത് ) , റെയ്‌സ് ജനറൽ സിക്രട്ടറി​ ​​കെ.സി ​രവീന്ദ്രനാഥൻ മാസ്റ്റർ , ഫറോ​ക്ക് ​പൊലീസ് സ്റ്റേഷൻ ഏരിയാ റസിഡന്റ്‌സ് മോണിറ്ററിങ് കമ്മിറ്റി കൺവീനർ പി.സി.അബ്ദുൽ റഷീദ് , മണ്ഡലം കോൺഗ്രസ് പ്രസിഡന്റ് അഹമ്മദ് കോയ .എം , ജാഗ്രതാ സമിതി പ്രവർത്തകർ തുടങ്ങിയവർ നേതൃത്വം നൽകി ​. ​വിവിധ റസിഡന്റ്‌സ് അസോസിയേഷനുകളിലെ വീട്ടുകാർക്ക് അടുത്ത ദിവസങ്ങളിൽ ആവശ്യമുള്ളത്ര വൃക്ഷ​ തൈകൾ നൽകുന്നതിനും വിദ്യാർത്ഥികളുമായി ചേർന്ന് വച്ചു പിടിപ്പിച്ച മരങ്ങളെ പരിപാലിക്കുന്നതിനുള്ള ബോധവത്കരണ ക്ലാസുകൾ നടത്തു​വാനും ​ ​തീരുമാനിച്ചു ​.