ഉഴവൂർ: ജയഹിന്ദ് വായനശാല ഡിജിറ്റൽ സൗകര്യങ്ങൾ ഏർപ്പെടുത്തി മൂന്ന് നിലകളിൽ പുനർനിർമ്മിക്കുന്നതിന് ഒരു കോടിരൂപയുടെ ഫണ്ട് സർക്കാർ അനുവദിച്ചു. മുൻരാഷ്ട്രപതി ഡോക്ടർ കെ.ആർ നാരായണന്റെ ജന്മശതാബ്ദി ആഘോഷങ്ങളുടെ ഭാഗമായി പുതിയ വായനശാല കെട്ടിടത്തിൽ കെ.ആർ നാരായണൻ സ്മാരക മിനി ഹാൾ,ഡിജിറ്റൽ ലൈബ്രറി മുറി,കുട്ടികൾക്ക് പ്രത്യേകമായി സൗകര്യങ്ങളോടുകൂടിയ ലൈബ്രറി ഉൾപ്പെടെയുള്ളവയാണ് പുതിയ വായനശാലയിൽ ഉണ്ടാവുക.

ലൈബ്രറി ഭരണസമിതി മോൻസ് ജോസഫ് എം.എൽ.എ വഴി നൽകിയ നിവേദനത്തെ തുടർന്നാണ് ധനമന്ത്രി ഡോ.തോമസ്‌ ഐസ്‌ക് ഫണ്ട് അനുവദിച്ചത്.ലൈബ്രറിയുടെ പുതിയ കെട്ടിടസമുച്ചയ നിർമ്മാണത്തിന് ആവശ്യമായ ഫണ്ട് അനുവദിച്ച് ലഭിക്കുന്നതിന് ഇടപെടൽ നടത്തീയ മോൻസ് ജോസഫ് എം.എൽ.എയ്ക്ക് ലൈബ്രറി പ്രസിഡന്റ് ഡോ സിന്ധുമോൾ ജേക്കബിന്റെ അദ്ധ്യക്ഷതയിൽ ചേർന്ന നന്ദി രേഖപ്പെടുത്തീ. യോഗത്തിൽ സെക്രട്ടറി അബ്രാഹം സിറിയക്,വൈസ് പ്രസിഡന്റ് അനീൽ ആറുകാക്കൽ,ജോയിന്റ് സെക്രട്ടറി സന്തോഷ് ആറുകാക്കൽ, ഷെറി മാത്യു, സണ്ണി കുന്നുംപുറം , കെ.സി അലക്‌സാണ്ടർ,പി.ൻ രാമചന്ദ്രൻ, കെ.സീ ജോണി ,പ്രീതാ സന്തോഷ്. സിന്ധു.പി. നായർ എന്നിവർ ചടങ്ങിൽ പങ്കെടുത്തു. ആദ്യഗഡുവായ ഇരുപത്തിഞ്ചുലക്ഷം രുപകൊണ്ട് നിർമ്മാണം ആരംഭിക്കാൻ ഭരണസമിതി തീരുമാനിച്ചു