തലയോലപ്പറമ്പ്: പതിനേഴുകാരിയോട് വീണ്ടും അപമര്യാദയായി പെരുമാറിയ 26കാരൻ അറസ്റ്റിൽ. സ്കൂളിലേക്ക് പോവുകയായിരുന്ന വിദ്യാർഥിനിയെ തടഞ്ഞുനിർത്തി അപമര്യാദയായി പെരുമാറിയ കൊല്ലം പത്തനാപുരം പിറവത്തൂർ സ്വദേശി ധനീഷ് (26) ആണ് തലയോലപ്പറമ്പ് പൊലീസിന്റെ പിടിയിലായത്. യുവാവിനെതിരെ പോക്‌സോ നിയമപ്രകാരമാണ് കേസെടുത്തത്.

തലയോലപ്പറമ്പിൽ വാഷിംഗ് മെഷിൻ അറ്റകുറ്റപ്പണിയുമായി ബന്ധപ്പെട്ടു ജോലി ചെയ്തുവരുന്ന ഇയാൾ ഇന്നലെ രാവിലെ പെൺകുട്ടിയെ തടഞ്ഞു നിർത്തി ശല്യം ചെയ്യുകയായിരുന്നു. ഏതാനും മാസം മുമ്പ് ഇതേ പെൺകുട്ടിയോടു അപമര്യാദയായി പെരുമാറിയതിന് ധനേഷിനെതിരെ പൊലീസ് കേസെടുത്തിരുന്നു.