കോട്ടയം: ഡി​സംബറോടെ കോട്ടയം സമ്പൂർണ ഭക്ഷ്യസുരക്ഷാ ജി​ല്ലയാക്കുമെന്ന്

ഭക്ഷ്യ സുരക്ഷ നോഡൽ ഓഫീസർ അക്ഷയ വിജയന്റെ ഉറപ്പ്.

ഇതി​നായി​ കഴിഞ്ഞ വർഷം ജൂണിൽ ആരംഭിച്ച സർക്കാർ പദ്ധതി​ പ്രകാരം അതി​ വേഗം പുരോഗമി​ക്കുകയാണ്. 2312 സ്ഥാപനങ്ങൾ പുതുതായി ഭക്ഷ്യസുരക്ഷാ ലൈസൻസ് എടുത്തു. പരി​ശോധനകളി​ൽ വൃത്തിഹീനമായി പ്രവർത്തിച്ചിരുന്ന 1200 സ്ഥാപനങ്ങൾക്ക് നോട്ടീസ് നൽകുകയും, 33 സ്ഥാപനങ്ങൾ പൂട്ടുകയും ചെയ്‌തു.

പദ്ധതിയി​ലേയ്ക്ക് ജില്ലയിലെ എട്ടു സോണുകളിൽ നിന്നുള്ള ഏഴു തദ്ദേശ സ്വയംഭരണ സ്ഥാപനങ്ങളെ കഴിഞ്ഞ വർഷം തെരഞ്ഞെടുത്തിരുന്നു. ഓരോ തദ്ദേശ സ്ഥാപനങ്ങളുടെ പരിധിയിലും അഞ്ചു വീതം ലൈസൻസ് മേളകൾ നടത്തി. ഈ മേളകൾ വഴി ആയിരത്തോളം സ്ഥാപനങ്ങൾക്കാണ് ലൈസൻസ് നൽകിയത്. ഇതുകൂടാതെ ജില്ലാ പഞ്ചായത്തിൽ നടത്തിയ മേളയിൽ 600 സ്ഥാപനങ്ങളും ഈരാറ്റുപേട്ടയിൽ നടന്ന മേളയിൽ 350 സ്ഥാപനങ്ങൾക്കും ലൈസൻസ് നൽകി.

പരിശോധന കർക്കശമാക്കും

ജില്ലയിൽ ഭക്ഷ്യസുരക്ഷിതത്വം കൈവരിക്കുന്നതിന്റെ ഭാഗമായി പരിശോധന ശക്തമാക്കാൻ തീരുമാനി​ച്ചി​ട്ടുണ്ട്. ഇതിനായി പ്രത്യേക സ്‌ക്വാഡുകളെ നിയോഗിക്കും. കൂടുതൽ മോഡൽ പഞ്ചായത്തുകൾ കണ്ടെത്താനും ഇവിടങ്ങളിൽ ബോധവത്കരണ ക്ലാസുകളും ലൈസൻസ് മേളകളും നടത്താനും തീരുമാനമായി. ഹോട്ടൽ ഉടമകൾക്കും, ജീവനക്കാർക്കും അവരുടെ സംഘടനകളുടെ സഹകരണത്തോടെ ക്ലാസ് നടത്തും. ആരോഗ്യ സെമിനാറുകളും മെഡിക്കൽ ക്യാമ്പുകളും സംഘടിപ്പിക്കും.