തലയോലപ്പറമ്പ് :എസ്. എൻ. ഡി. പി. യോഗം തലയോലപ്പറമ്പ് യൂണിയന്റെ 14ാ മത് പ്രീ മാര്യേജ് കൗൺസിലിംഗ് കോഴ്‌സ് നടത്തി. ആമ്പല്ലൂർ സങ്കീർത്തനം ഓഡിറ്റോറിയത്തിൽ വച്ച് നടന്ന പരിപാടിയുടെ ഉദ്ഘാടനം എസ്.എൻ ട്രസ്റ്റ് ബോർഡ് മെമ്പർ പ്രീതി നടേശൻ നിർവ്വഹിച്ചു. യൂണിയൻ പ്രസിഡന്റ് ഇ.ഡി പ്രകാശൻ അദ്ധ്യക്ഷത വഹിച്ചു. യൂണിയൻ സെക്രട്ടറി എസ്.ഡി സുരേഷ് ബാബു സ്വാഗതം പറഞ്ഞു. സംസ്ഥാന കലോത്സവത്തിൽ വിജയിച്ച അനില അജുവിനെ യൂണിയൻ നൽകിയ ട്രോഫി ചടങ്ങിൽ പ്രീതി നടേശൻ സമ്മാനിച്ചു. രാജേന്ദ്രൻ, ശാഖ സെക്രട്ടറി കെ.പി സുരേന്ദ്രൻ, വനിതാസംഘം ഭാരവാഹികളായ സുലഭ സജീവ്, പദ്മിനി തങ്കൻ, ശ്രീകല, യൂണിയൻ കൗൺസിലർമാരായ കെ.എസ് അജീഷ് കുമാർ, യു.എസ് പ്രസന്നൻ, ബിനു വെളിയനാട് എന്നിവർ പ്രസംഗിച്ചു. തുടർന്ന് പരിശീലകൻ ഗ്രേസ് ലാൽ ക്ലാസ് നയിച്ചു.