കോട്ടയം : ജില്ലയിൽ എച്ച് 1 എൻ1 പടരുന്നതിനെ തുടർന്ന് ജാഗ്രതാനിർദ്ദേശവുമായി ആരോഗ്യവകുപ്പ്. ആറുമാസത്തിനിടെ നാലുപേർ രോഗം ബാധിച്ച് മരിച്ചപ്പോൾ , 69 പേർക്ക് രോഗം റിപ്പോർട്ട് ചെയ്തു. ദിവസവും ശരാശരി രണ്ട് പേർക്കെങ്കിലും രോഗം ബാധിക്കുന്നുണ്ട്. പനി,​ ചുമ,​ തൊണ്ടവേദന,​ തലവേദന തുടങ്ങിയവയാണ് ലക്ഷണങ്ങൾ.

കരുതൽ വേണം

തുമ്മുമ്പോഴും ചുമയ്ക്കുമ്പോഴും മൂക്കും വായും തൂവാല ഉപയോഗിച്ച് പൊത്തിപ്പിടിക്കുക

സോപ്പും വെള്ളവും ഉപയോഗിച്ച് കൈകൾ ഇടയ്ക്കിടയ്ക്ക് കഴുകുക

രോഗം ഭേദമാകുന്നത് വരെ മറ്റുള്ളവരിൽ നിന്ന് അകലം പാലിക്കണം

ചൂടുള്ള പാനീയങ്ങൾ ക്രമമായി നിരന്തരം കുടിക്കുക

 വേവിച്ച ഭക്ഷണവും , പഴങ്ങളും ഇലക്കറികളും കഴിക്കുക

ഡോക്ടറുടെ നിർദേശപ്രകാരം മരുന്നുകൾ കഴിക്കുക