വൈക്കം: താലൂക്ക് എൻ. എസ്. എസ്. യൂണിയനിൽപെട്ട 97 കരയോഗങ്ങളിലെ മാതാപിതാക്കൾക്കായി എച്ച്. ആർ. സെന്ററിന്റെ നേതൃത്വത്തിൽ സെമിനാർ നടത്തി. കുടുംബ ബന്ധങ്ങൾ സുതാര്യമാക്കുവാനും, കുട്ടികളുടെ വിദ്യാഭ്യാസകാലം കൂടുതൽ ശ്രദ്ധ ഊന്നുവാനും ലക്ഷ്യം വച്ചാണ് ബോധവൽക്കരണ സെമിനാർ നടത്തിയത്. കെ. എൻ. എൻ. സ്മാരക എൻ. എസ്. എസ്. ആഡിറ്റോറിയത്തിൽ നടന്ന സമ്മേളനം യൂണിയൻ പ്രസിഡന്റ് ഡോ. സി. ആർ. വിനോദ് കുമാർ ഉദ്ഘാടനം ചെയ്തു. വൈസ് പ്രസിഡന്റ് എസ്. മധു അദ്ധ്യക്ഷത വഹിച്ചു. ഡോ. പ്രദീപ് ഇറവുങ്കര ക്ലാസ് നയിച്ചു. എച്ച്. ആർ. സെന്റർ കോ ഓർഡിനേറ്റർ ഡോ. ഇ. എൻ. ശിവദാസ്, പി. പ്രസാദ്, സെക്രട്ടറി കെ. വി. വേണുഗോപാൽ, വനിതാ യൂണിയൻ പ്രസിഡന്റ് ശ്രീലേഖാ മണിലാൽ, സെക്രട്ടറി ടി. ആർ. ഇന്ദിരാമണി എന്നിവർ പ്രസംഗിച്ചു.