ഐങ്കൊമ്പ് : ഗവ. എൽ.പി. സ്‌കൂളിൽ ഇന്ന് രാവിലെ 10ന് 'എന്റെ കൗമുദി ' പദ്ധതി ഉദ്ഘാടനം നടക്കും. കടനാട് സർവ്വീസ് സഹകരണ ബാങ്കാണ് സ്‌കൂളിലേക്ക് ആവശ്യമായ കേരള കൗമുദി പത്രം സ്‌പോൺസർ ചെയ്യുന്നത്. പി.ടി.എ. പ്രസിഡന്റ് മായാ വിനോദിന്റെ അദ്ധ്യക്ഷതയിൽ ചേരുന്ന സമ്മേളനത്തിൽ സ്‌കൂൾ ഹെഡ്മാസ്റ്റർ ബിനോയ് സെബാസ്റ്റ്യന് കേരള കൗമുദി പത്രം കൈമാറിക്കൊണ്ട് കടനാട് സഹകരണ ബാങ്ക് പ്രസിഡന്റ് പി.ആർ. സാബു പൂവത്തുങ്കൽ പദ്ധതി ഉദ്ഘാടനം ചെയ്യും. എന്റെ കൗമുദി പദ്ധതിയെപ്പറ്റി കേരള കൗമുദി അസി. സർക്കുലേഷൻ മാനേജർ എ. ആർ. ലെനിൻ മോൻ വിശദീകരിക്കും.
കടനാട് പഞ്ചായത്ത് പ്രസിഡന്റ് ജയ്‌സൺ പുത്തൻ കണ്ടം, പഞ്ചായത്ത് മെമ്പർ ലിസി സണ്ണി, ബാങ്ക് ഭരണ സമിതി അംഗങ്ങളായ കെ.പി. ഷിലു കൊടൂർ, ബിബിൻ ശശി, സോണിയാ റോയി, ബാങ്ക് സെക്രട്ടറി ലൗലി ജേക്കബ്, സ്‌കൂൾ മാനേജിംഗ് കമ്മിറ്റിയംഗം കെ. എം. ചെറിയാൻ , കേരളകൗമുദി പാലാ ലേഖകൻ സുനിൽ പാലാ എന്നിവർ ആശംസകൾ നേരും.