ന്യൂഡൽഹി: കേന്ദ്ര ധനകാര്യ വകുപ്പ് മന്ത്രിയായി ചുമതലയേറ്റ നിർമ്മല സീതാരാമനെ അഭിനന്ദിച്ച് കോൺഗ്രസ് വക്താവ് ദിവ്യ സ്പന്ദന. ഇന്ദിരാ ഗാന്ധിക്ക് ശേഷം ധനകാര്യ മന്ത്രിയായ നിർമ്മല സീതാരാമനെ ട്വിറ്റിലൂടെയാണ് ദിവ്യ സ്പന്ദന അഭിനന്ദിച്ചത്. സമ്പദ് വ്യവസ്ഥയെ തിരിച്ച് പിടിക്കാൻ താങ്കൾക്ക് സാധിക്കുമെന്നും ഞങ്ങൾ ഒപ്പമുണ്ടെന്നുമാണ് ദിവ്യയുടെ ട്വീറ്റ്.

'അഭിനന്ദനങ്ങൾ, മുന്പ് ഒരു സ്ത്രീ മാത്രം കൈകാര്യം ചെയ്ത പദവി ഏറ്റെടുത്തതിന്. 1970ൽ ഇന്ദിരാ ഗാന്ധി സ്ത്രീകൾക്ക് മുഴുവൻ അഭിമാനിക്കാവുന്ന നേട്ടം കൈവരിച്ചു. ജി.ഡി.പി ഇപ്പോൾ നല്ല നിലയിലല്ല.എനിക്ക് ഉറപ്പുണ്ട് നിങ്ങൾക്കത് തിരിച്ച് പിടിക്കാൻ കഴിയും, ഞങ്ങളുടെ പിന്തുണയുണ്ട്. എല്ലാവിധ ആശംസകളും'-ദിവ്യ കുറിച്ചു.

Congratulations @nsitharaman on taking charge of a portfolio that was only last held by another woman, Indira Gandhi ji in 1970-makes us women folk proud! The GDP not looking great, I’m sure you will do your best to revive the economy. You have our support. Best wishes- https://t.co/gOARWiXHJG

— Divya Spandana/Ramya (@divyaspandana) May 31, 2019