മുംബയ്: പ്രധാനമന്ത്രിയുടെയും മറ്റ് മന്ത്രിമാരുടെയും സത്യപ്രതിജ്ഞയ്ക്ക് പിന്നാലെ അവരെ അഭിനന്ദിച്ച് രംഗത്തെത്തിയിരിക്കുകയാണ് ബോളിവുഡ് താരം സൽമാൻ ഖാൻ. പ്രധാനമന്ത്രിയ്ക്കും ഉജ്ജ്വല ടീമിനും അഭിനന്ദനങ്ങൾ എന്ന് സൽമാൻ കഴിഞ്ഞ ദിവസം ട്വീറ്റ് ചെയ്തു. ' പ്രധാനമന്ത്രിക്കും ഉജ്ജ്വല ടീമിനും അഭിനന്ദനങ്ങൾ, ഇന്ത്യയെ ശക്തപ്പെടുത്താൻ മന്ത്രിമാർക്ക് സാധിക്കട്ടെ,എല്ലാവിധ ആശംസകളെന്നും സൽമാൻ ട്വീറ്റ് ചെയ്തു.

ബോളിവുഡ് താരങ്ങളായ ഷാഹിദ് കപൂർ, കരൺ ജോഹർ, കങ്കണ റണാവത് തുടങ്ങിയവർ പ്രധാനമന്ത്രിയുടെ സത്യപ്രതിജ്ഞ ചടങ്ങിൽ പങ്കെടുത്തിരുന്നു. തിരഞ്ഞെടുപ്പ് ഫലം പുറത്ത് വന്ന ദിവസം പ്രധാനമന്ത്രി നരേന്ദ്ര മോദിയെ അഭിനന്ദിച്ച് സൽമാൻ ഖാൻ രംഗത്തെത്തിയിരുന്നു. ശക്തമായ ഇന്ത്യയെ വാർത്തെടുക്കാൻ ഞങ്ങൾ കൂടെയുണ്ടെന്നായിരുന്നു അന്ന് സൽമാൻ ഖാൻ ട്വീറ്റ് ചെയ്തത്. സൽമാൻ ഖാന്റെ പുതിയ ചിത്രമായ ഭാരത് ജൂൺ അഞ്ചിന് തീയേറ്ററുകളിലെത്തും.

Honourable Prime Minister, congratulations on a splendid team and all my best wishes to the entire cabinet in their endeavours to make a stronger and equal India. @PMOIndia

— Salman Khan (@BeingSalmanKhan) June 2, 2019