ജയ്പൂർ: ആശുപത്രിക്കിടക്കയിൽ രോഗിക്ക് ഡോക്ടറുടെ ക്രൂരമർദ്ദനം. ജെയ്പൂരിലെ സവായി മാൻസിംഗ് മെഡിക്കൽ കോളേജിലാണ് രോഗിയെ ഡോക്ടർ മർദ്ദിച്ചത്. വീഡിയോ വൈറലായതോടെ ആരോഗ്യമന്ത്രി രഘു ശർമ സംഭവത്തിൽ അന്വേഷണത്തിന് ഉത്തരവിട്ടു.

നീല ഷര്‍ട്ട് ധരിച്ചെത്തിയ റസിഡന്റ് ഡോക്ടറാണ് രോഗിയെ മർദ്ദിച്ചത്. ആദ്യം ബെഡിന് പുറത്ത്നിന്ന് മർദ്ദിക്കുന്നത് രോഗി തടയുന്നുണ്ടെങ്കിലും ഡോക്ടർ ബെഡിൽ കയറിനിന്ന് ഇയാളെ അടിയ്ക്കുകയും ചവിട്ടുകയും ചെയ്യുന്നുണ്ട്. ഡോക്ടറെ പിടിച്ചുമാറ്റാനോ തടയാനോ ആരും ശ്രമിക്കുന്നില്ല. പിന്നീട് മറ്റ് ഡോക്ടർമാരെത്തിയാണ് ഇയാളെ പിന്തിരിപ്പിക്കുന്നത്. എന്നാൽ മർദ്ദിക്കാനുള്ള കാരണമെന്താണെന്ന് വ്യക്തമല്ല.

#WATCH: A resident doctor beat up a patient in Sawai Man Singh (SMS) Medical College in Jaipur, Rajasthan, yesterday. Raghu Sharma, Medical & Health Minister of Rajasthan says,' We have asked for a report on the video as to what really happened.' pic.twitter.com/9mU97nwif2

— ANI (@ANI) June 3, 2019