നീലേശ്വരം: കേ​ര​ള ലോ​ട്ട​റി​യി​ൽ ഒ​ന്നാം സ​മ്മാ​നം 70 ല​ക്ഷം രൂ​പ അ​ടി​ച്ച​പ്പോ​ൾ പ​ശ്ചി​മ​ബം​ഗാ​ൾ സ്വ​ദേ​ശി വി​ജ​യ്​ (23) അമ്പരന്ന് എത്തിയത് നീലേശ്വരം പോലീസ് സ്റ്റേഷനിൽ. ത​ന്നെ പ​റ്റി​ച്ച്​ ആ​രെ​ങ്കി​ലും ടി​ക്ക​റ്റ്​ അ​ടി​ച്ചു​മാ​റ്റു​മോ എ​ന്ന ഭ​യം കാ​ര​ണ​മാ​ണ്​ വി​ജ​യ്​ പൊ​ലീ​സ് സ്​​റ്റേ​ഷ​നി​ൽ തന്നെ അ​ഭ​യം തേ​ടി​യ​ത്. എ​സ്.​ഐ ഹ​നീ​ഫ​യോ​ട്​ കാ​ര്യ​ങ്ങ​ൾ പ​റ​ഞ്ഞ​പ്പോ​ൾ വേ​ണ്ട മാ​ർ​ഗ​നി​ർ​ദേ​ശ​ങ്ങ​ൾ ന​ൽ​കു​ക​യും ചെ​യ്തു.

ഞായറാഴ്ച നറുക്കെടുത്ത കേരള സംസ്ഥാന പൗർണമി ഭാഗ്യക്കുറിയുടെ ഒന്നാം സമ്മാനമായ 70 ലക്ഷം രൂപയാണ് ആർവൈ 360244 നമ്പറിൽ ചോയ്യംകോട്ട് താമസിക്കുന്ന വിജയിക്ക് ലഭിച്ചത്. ആ​റു​വ​ർ​ഷം മു​മ്പാ​ണ് വി​ജ​യ്​ കാ​സ​ർ​കോ​ട്​ ജി​ല്ല​യി​ലെ​ത്തി​യ​ത്. നാ​ട്ടു​കാ​രാ​യ സു​ഹൃ​ത്തു​ക്ക​ളു​ടെ സ​ഹാ​യ​ത്താ​ൽ ചോ​യ്യ​ങ്കോ​ട്ട്​ ആ​രു​ഷ് എ​ന്ന നി​ർ​മാ​ണ ക​മ്പ​നി​യി​ൽ ജോ​ലി ല​ഭി​ച്ചു. സ്ഥി​ര​മാ​യി ലോ​ട്ട​റി എ​ടു​ക്കാ​റു​ള്ള വി​ജ​യ് പ​തി​വു​പോ​ലെ ഞാ​യ​റാ​ഴ്ച​യും ടി​ക്ക​റ്റെ​ടു​ത്തു. ആ​ർ.​വൈ 360244 ന​മ്പ​ർ ടി​ക്ക​റ്റി​നാ​ണ് സ​മ്മാ​നം.

കാഞ്ഞങ്ങാട് കല്ലട്ര കോംപ്ലക്സിലെ ലോട്ടറി മൊത്ത വിതരണ സ്ഥാപനമായ ഭഗവതി ലോട്ടറി ഏജൻസിയിൽ നിന്നു ടിക്കറ്റെടുത്തു നടന്നു വിൽക്കുന്ന കരിന്തളം കോയിത്തട്ടയിലെ പത്മനാഭനോടാണ് ടിക്കറ്റ് വാങ്ങിയത്. ടിക്കറ്റിൽ സമ്മാനമുണ്ടെന്ന് ഉറപ്പു വരുത്തിയ ശേഷം ടിക്കറ്റ് എസ്.ബി.ഐ നീലേശ്വരം ബ്രാഞ്ചിൽ ഏൽപ്പിച്ചു. പൊലീസിനു നന്ദി പറഞ്ഞാണ് വിജയ് മടങ്ങിയത്.