പാ​ട്ന: കേന്ദ്രമന്ത്രി രാംവി​ലാ​സ് പാസ്വാ​ൻ ബീഹാ​റി​ൽ സംഘടിപ്പിച്ച ഇഫ്താർ വിരുന്നിനെ വിമർശിച്ച് കേന്ദ്രമന്ത്രി ഗിരിരാജ് സിംഗ്. ബി​ജെ​പി നേ​താ​വും കേ​ന്ദ്ര​മ​ന്ത്രി​യു​മാ​യ ഗി​രി​രാ​ജ് സിം​ഗാ​ണ് പാസ്വാ​നെ വി​മ​ർ​ശി​ച്ചു രം​ഗ​ത്തെ​ത്തി​യ​ത്. ന​വ​രാ​ത്രി​ക്ക് എ​ന്തു​കൊ​ണ്ട് ഇ​ത്ത​രം പ​രിപാ​ടി​ക​ൾ ന​ട​ത്തു​ന്നി​ല്ലെ​ന്നും മ​ന്ത്രി ചോ​ദി​ച്ചു.

എ​ൻ.​ഡി.​എ നേ​താ​ക്ക​ൾ അടക്കമുള്ളവർ പ​ങ്കെ​ടു​ത്ത ഇ​ഫ്താ​ർ വി​രു​ന്നിന്റെ ചിത്രങ്ങൾ ട്വി​റ്റ​റി​ൽ പ​ങ്കു​വ​ച്ചാ​ണു കേ​ന്ദ്ര​മ​ന്ത്രി​യു​ടെ വി​മ​ർ​ശ​നം. അതേസമയം ഗിരിരാജ് സിംഗിനെ ബി.ജെ.പി അദ്ധ്യക്ഷനും കേന്ദ്രമന്ത്രിയുമായ അമിത് ഷാ താക്കീത് ചെയ്തു. ബീഹാർ മുഖ്യമന്ത്രി നിതീഷ് കുമാറിനെതിരായ വിമർശനത്തിലാണ് ഗിരിരാജ് സിംഗിനും ഷാ താക്കീത് നൽകിയത്. വിരുന്നിൽ പങ്കെടുത്ത് ബി.ജെ.പി നേതാവും ഉപമുഖ്യമന്ത്രിയുമായ സുശീൽകുമാർ മോദിയെയും അമിത് ഷാ ശാസിച്ചിരുന്നു.

ഹി​ന്ദു​ക്ക​ളു​ടെ മ​ത​പ​ര​മാ​യ ച​ട​ങ്ങു​ക​ൾ സം​ഘ​ടി​പ്പി​ക്കാ​ൻ എ​ന്തി​നാ​ണു മ​ടി​കാ​ണി​ക്കു​ന്ന​തെ​ന്നാണ് ഗി​രി​രാ​ജ് സിം​ഗിന്റെ വിമർശനം. തി​ങ്ക​ളാ​ഴ്ച​യാ​ണു കേ​ന്ദ്ര​മ​ന്ത്രി​യും ലോ​ക് ജ​ന​ശ​ക്തി പാ​ർ​ട്ടി നേ​താ​വു​മാ​യ പാസ്വാ​ൻ ഇ​ഫ്താ​ർ വി​രു​ന്നൊ​രു​ക്കി​യ​ത്. ബി​ഹാ​ർ മു​ഖ്യ​മ​ന്ത്രി നി​തീ​ഷ് കു​മാ​റും ഉ​പ​മു​ഖ്യ​മ​ന്ത്രി​യും ബി​.ജെ.​പി നേ​താ​വു​മാ​യ സു​ശീ​ൽ കു​മാ​ർ മോ​ദി​യും പാസ്വാ​ന്റെ ഇ​ഫ്താ​ർ വി​രു​ന്നി​ൽ പ​ങ്കെ​ടു​ത്തി​രു​ന്നു.

നിതീഷ് കുമാർ, പാസ്വാൻ, ബിഹാർ ഉപമുഖ്യമന്ത്രി സുശീൽകുമാർ മോദി എന്നിവരുടെ ചിത്രം പങ്കുവച്ചായിരുന്നു ഗിരിരാജ് സിംഗിന്റെ കമന്റ്. അതേസമയം ഗിരിരാജ് സിംഗിനെതിരെ ജനതാദൾ യുണെറ്റഡ് രംഗത്ത് എത്തി. ഗൗരവമായ ചട്ടലംഘനമാണ് കേന്ദ്രമന്ത്രി നടത്തിയതെന്നും അവർ കുറ്റപ്പെടുത്തി.