സതാംപ്ടൺ: ഇന്ത്യൻ പേസ് ആക്രമണത്തിന് മുന്നിൽ അടിപതറി ദക്ഷിണാഫ്രിക്കയുടെ ബാറ്റിംഗ് നിര. 35.3ഓവർ പൂർത്തിയായപ്പോൾ 6 വിക്കറ്റിന് 135 റൺസ് എന്ന നിലയിലാണ് ദക്ഷിണാഫ്രിക്ക. ഇന്ത്യയ്ക്കുവേണ്ടി ചാഹൽ 3 വിക്കറ്റും ബൂംറ രണ്ട് വിക്കറ്റ് വീതം വീഴ്ത്തി. കുൽദീപ് യാദവിനാണ് ഒരുവിക്കറ്റ്.

അലം (6), ഡി കോക്ക് (10), ഡു പ്ലെസിസ് (38), വാൻ ഡെർ ഡുസ്സെൻ (22), ജെപി ഡുംനി (3),​ മില്ലർ (31)​ എന്നിവരാണ് പുത്തായത്.

സതാംപ്ടണിലെ റോസ് ബൗള്‍ സ്റ്റേഡിയത്തിലാണ് മത്സരം. പന്ത്രണ്ടാം ലോകകപ്പില്‍ ഇന്ത്യയുടെ ആദ്യമത്സരമാണിന്ന്. ആദ്യ മത്സരത്തിൽ ഇംഗ്ലണ്ടിനോട് 104 റൺസിനും രണ്ടാമത്തേതിൽ ബംഗ്ലാദേശിനോട് 21 റൺസിനും തോറ്റ ദക്ഷിണാഫ്രിക്കയ്ക്ക് ഇത് ജീവന്മരണ പോരാട്ടമാണ്. .