സൗത്ത് ആഫ്രിക്കയിലെ നാഷണൽ പാർക്കിൽ നിന്ന് 14 സിംഹങ്ങൾ പുറത്തുചാടി. ക്രുഗേ‍ർ നാഷണൽ പാർക്കിൽ നിന്നാണ് സിംഹങ്ങൾ പുറത്തുചാടിയതെന്നും ജനങ്ങൾ ജാഗ്രത പാലിക്കണമെന്നും സർക്കാർ മുന്നറിയിപ്പ് നൽകി. പുറത്തുചാടിയ പതിനാല് സിംഹങ്ങൾ ഫാലബോർവാ പ്രദേശത്തിനടുത്തുള്ള ഫോസ്‍കർ ഫോസ്ഫേറ്റ് ഖനിക്ക് സമീപത്തുണ്ടെന്ന് വിവരം ലഭിച്ചിട്ടുണ്ട്.

സിംഹങ്ങൾ പുറത്ത് ചാടിയതിന്റെ വിവരങ്ങൾ ആദ്യം പുറത്ത് വിട്ടത് ലിംപോംപോയിൽ നിന്നുള്ള രണ്ട് റേഡിയോ സ്റ്റേഷനുകളാണ്.തുടർന്ന് ലിംപോപോ പ്രൊവിൻസ് ഗവൺമെന്റ് സിംഹങ്ങൾ രക്ഷപ്പെട്ടെന്ന് ഉറപ്പിക്കുകയും ചെയ്തു. സർക്കാർ ജനങ്ങൾക്ക് ജാഗ്രതാ നിർദ്ദേശം നൽകുകയും ചെയ്തു. സിംഹങ്ങളെ നിരീക്ഷിക്കാനും പിടികൂടാനും റെയിഞ്ചേർസിന് സർക്കാർ നിർദ്ദേശം നൽകിയിട്ടുണ്ട്.