റേഡിയോ ജോക്കിയും അവതാരകനുമായ മാത്തുകുട്ടി സംവിധായകനാകുന്ന ചിത്രത്തിൽ നിന്ന് ദുൽഖർ സൽമാൻ പിൻമാറി. കുഞ്ഞെൽദോ എന്ന് പേരിട്ടിരിക്കുന്ന ചിത്രത്തിൽ ആസിഫ് അലി നായകനാകും. ചിത്രത്തിൽനിന്ന് ദുൽഖർ പിൻമാറിയതിന്റെ കാരണം അറിവായിട്ടില്ല.ലിറ്റിൽ ബിഗ് ഫിലിംസിന്റെ ബാനറിൽ സുവിൻ.കെ.വർക്കിയും പ്രശോഭ് കൃഷ്ണയും ചേർന്ന് നിർമ്മിക്കുന്ന കുഞ്ഞെൽദോയുടെ ക്രിയേറ്റീവ് ഡയറക്ടർ വിനീത് ശ്രീനിവാസനാണ്. താരനിർണയം പൂർത്തിയായി വരുന്ന ചിത്രത്തിന്റെ ഷൂട്ടിംഗ് ജൂലായിൽ തുടങ്ങും. സ്വരൂപ് ഫിലിപ്പാണ് ഛായാഗ്രഹണം നിർവഹിക്കുന്നത്. സംഗീതം ഷാൻ റഹ്മാൻ.