തിരുവനന്തപുരം: വിമാനയാത്രക്കൊള്ള തടയാൻ അടിയന്തര നടപടിവേണമെന്ന് കേന്ദ്രത്തോട് കേരളം ആവശ്യപ്പെട്ടു. മുഖ്യമന്ത്രി പിണറായി വിജയൻ കേന്ദ്രവ്യോമയാന സെക്രട്ടറിയുമായി നടത്തിയ കൂടിക്കാഴചയിലാണ് ഇക്കാര്യം ആവശ്യപ്പെട്ടത്. നിരക്ക് കുറക്കാൻ കമ്പനികളുടെ യോഗം ജൂലെെയിൽ വിളിക്കുമെന്ന് വ്യോമയാന സെക്രട്ടറി പ്രദീപ് സിംഗ് കരാള പറഞ്ഞു. കേരളത്തിലെ വിമാനത്താവളങ്ങളുടെ വികസനം ചർച്ചചെയ്യാൻ കേരളത്തിൽ എത്തുമെന്നും വ്യോമയാന സെക്രട്ടറി വ്യക്തമാക്കി.