തിരുവനന്തപുരം: നടൻ കൊല്ലം തുളസിയുടെ ഏഴു ലക്ഷം രൂപ തട്ടിയെടുത്ത കേസിൽ യുവമോർച്ച മുൻ ജില്ലാ നേതാവ് അറസ്റ്റിൽ. തിരുവനന്തപുരം വലിയശാല സ്വദേശി വി.പ്രശോഭാണ് അറസ്റ്റിലായത്. കോടതിയിൽ ഹാജരാക്കിയ ഇയാളെ പിന്നീട് ജാമ്യത്തിൽ വിട്ടു.

മൂന്നു വർഷം മുമ്പ് ബിസിനസ് ആവശ്യത്തിനാണ് ഇയാൾ കൊല്ലം തുളസിയിൽ നിന്നും പണം വാങ്ങിയത്. തുടർന്ന് നൽകാനുണ്ടായിരുന്ന ഏഴ് ലക്ഷം രൂപ ആവശ്യപ്പെട്ടപ്പോൾ ചെക്ക് നൽകി. എന്നാൽ, പണമില്ലാത്തതിനാൽ ചെക്ക് മടങ്ങി. ഇതേതുടർന്ന് തുളസി പരാതിയുമായി പൊലീസിനെ സമീപിച്ചത്. പണം തിരിച്ചുകിട്ടാത്തതിനെ തുടർന്ന് കൊല്ലം തുളസി ബി.ജെ.പി ജില്ലാ നേതൃത്വത്തിനും പരാതി നൽകിയുന്നതായും റിപ്പോർട്ടുകളുണ്ടായിരുന്നു.