ഒാവൽ: ആസ്ട്രേലിയ്ക്കെതിരെയുള്ള ലോകകപ്പ് മത്സരത്തിൽ ഇന്ത്യയ്ക്ക് കൂറ്റൻ സ്കോർ. ശിഖർ ധവാൻ സെഞ്ച്വറിയിലാണ് ഇന്ത്യ മുന്നോട്ട് കുതിച്ചത്. ധവാന് പുറമെ ഓപ്പണർ രോഹിത് ശർമ്മയും നായകൻ വിരാട് കോലിയും അർദ്ധ സെഞ്ച്വറി നേടി. ഒാവലിൽ ഇന്ത്യ അഞ്ച് വിക്കറ്റ് നഷ്ടത്തിൽ 352 റൺസാണ് നേടിയത്. മത്സരത്തിലൂടെ ആസ്‌ട്രേലിയക്കെതിരേ ഏകദിനത്തിൽ 2000 റൺസ് പൂർത്തിയാക്കുന്ന നാലാമത്തെ താരമെന്ന റെക്കോഡ് രോഹിത് ശർമ്മ സ്വന്തമാക്കി.ധവാനും രോഹിതും ഓപ്പണിംഗ് വിക്കറ്റില്‍ 127 റൺസ് കൂട്ടിച്ചേർത്ത് മികച്ച തുടക്കമാണ് നൽകിയത്. തുടർന്ന് ഹാർദിക് പാണ്ഡ്യയും എം.എസ് ധോനിയും കെ.എൽ രാഹുലും ഇവർക്ക് പിന്തുണയുമായി സ്കോർ ഉയർത്തി.