ദുബായ്: ദുബായിൽ ആറുവയസുകാരൻ മലയാളി ബാലൻ സ്കൂൾ ബസിൽ ശ്വാസം കിട്ടാതെ മരിച്ചു. നഗരത്തിലെ കൊടും ചൂടിൽ ബസിനകത്ത് വീർപ്പുമുട്ടിയാണ് കുട്ടി മരിച്ചെതെന്നാണ് പ്രാഥമിക നിഗമനം. തലശ്ശേരി മുഴുപ്പിലങ്ങാട് സ്വദേശി ഫൈസലിന്റെ മകൻ മുഹമ്മദ് ഫർഹാനാണ് മരിച്ചത്. കുട്ടി അകത്തിരിക്കുന്നത് അറിയാതെ ഡ്രെെവർ ബസ് പൂട്ടി പോകുകയായിരുന്നു.
അൽമനാർ ഇസ്‍ലാമിക് സെന്റർ മദ്രസയിലെ വിദ്യാർഥിയായിരുന്ന മുഹമ്മദ് ഫർഹാൻ സഹപാഠികൾ ഇറങ്ങുമ്പോൾ ബസിൽ ഉറങ്ങിപ്പോയിരുന്നു. ഇതറിയാതെ ഡ്രെെവർ വാഹനം പൂട്ടി പോകുകയായിരുന്നു. രാവിലെ എട്ടിന് മുമ്പ് മദ്രസയില്‍ എത്തിയതാണ് സംഭവം. മണിക്കൂറുകൾക്ക് ശേഷം 11 മണിയോടെയാണ് കുട്ടിയെ ബസിൽ മരിച്ച നിലയിൽ കണ്ടത്.
ഇത്തരം സംഭവങ്ങൾ ദുബായിയിൽ നിരവധി തവണ റിപ്പോർട്ട് ചെയ്തിട്ടുണ്ട്. മുഴുവൻ കുട്ടികളും ഇറങ്ങിയോ എന്ന് പരിശോധിക്കാതെ ബസ് ജീവനക്കാര്‍ ബസ് പൂട്ടി ഇറങ്ങരുത് എന്ന് കര്‍ശന നിര്‍ദേശവും അവിടെ നിലനിൽക്കുന്നുണ്ട്