ലണ്ടൻ: ആറു മാസത്തെ അശ്രാന്ത പരിശ്രമത്തിനൊടുവിൽ ശ്രീ നാരായണ ഗുരു മിഷൻ കലാവിഭാഗം ഗുരുപ്രഭ അവതരിപ്പിച്ച 'അദ്വൈതം' നാടകം നിറഞ്ഞ സദസിനു മുന്നിൽ ഇൽഫോർടിലെ ടൗൺഹാളിൽ അവതരിപ്പിച്ചു. നല്ലൊരു നാടകാനുഭവം കാണികൾക്ക് നൽകാൻ ഗുരുപ്രഭയ്ക്ക് കഴിഞ്ഞു. ഇതിൽ ആദ്യം പറയേണ്ട പേര് സംവിധായകൻ ശശി.എസ് കുളമടയുടേതാണ്. വളരെ മനോഹരമായി ശശി തന്റെ കടമ നിർവഹിച്ചു. രാജൻ കിഴക്കനേലയുടെതാണ് രചന. സംഗീതം പ്രണവം മധു.
എടുത്ത് പറയത്തക്ക അഭിനയമാണ് നടീ നടന്മാർ കാഴ്ചവച്ചത്. മുരളീധരൻ, ജീജ ശ്രീലാൽ, സതീഷ്, മഞ്ചു മന്ദിരത്തിൽ, ബീന പുഷ്‌കാസ്, ബാബു, ജയ്‌സൻ ജോർജ് , മല്ലിക നടരാജൻ തുടങ്ങിയവർ ഏറെ ശ്രദ്ധേയമായി. വക്കം ജി.സുരേഷ്‌കുമാർ, കീർത്തി സോമരാജൻ , അജിത് പിള്ള, ഗിരിധരൻ, സുനിത് , സുദേവൻ, അശ്വതി.എം.ശശിധരൻ തുടങ്ങിയവർ കാണികളുടെ പ്രശംസ നേടി അഭിനയിച്ചു. രംഗപടം ഒരുക്കിയത് : ആർട്ടിസ്റ്റ് . വിജയൻ കടമ്പേരി.
ശ്രീ നാരായണ ഗുരു മിഷൻ ഒഫ് ദി യുകെ യുടെ നാൽപ്പതാം വാർഷികാഘോഷങ്ങളോടനുബന്ധിച്ച് അവതരിപ്പിച്ച നാടകത്തിന്റെ സംവിധായകനും, നടീനടന്മാർക്കും, സാങ്കേതിക സഹായം ചെയ്തവർക്കും ഗുരു മിഷൻ പ്രസിഡന്റ്ര് ജീ ശശികുമാർ, സെക്രട്ടറി ഡി സുരേഷ് എന്നിവർ അവാർഡുകൾ നൽകി ആദരിച്ചു. കെന്റിലെ മെലഡി ബീട്‌സിന്റെ ഗാനമേളയോടെയാണ് പരിപാടികൾക്ക് തുടക്കമായത്.