പറവൂർ : വൈദ്യുതി ടവർ ലൈൻ വലിക്കുന്നതിന് ശാന്തിവനത്തിലെ മരത്തിന്റെ ശിഖരങ്ങൾ മുറി​ച്ചതി​ൽ പ്രതി​ഷേധി​ച്ച് സ്ഥലമുടമ മീന മേനോൻഉദ്യോഗസ്ഥരുടെയും പൊലീസിന്റെയും മുന്നിൽ മുടി മുറിച്ചു .കാവുകളിലെ മരം മുറിക്കുന്നതു ഭൂമിയുടെ മുടി മുറിക്കുന്നതിന് തുല്യമാണെന്ന് പറഞ്ഞായി​രുന്നു പ്രതി​ഷേധം . ആദ്യം മുറിച്ച മുടി മുഖ്യമന്ത്രിക്കും പിന്നീട് മൂന്നു തവണ മുറിച്ച മുടി വൈദ്യുതി വകുപ്പ് മന്ത്രിക്കും കെ.എസ്.ഇ.ബിക്കും പൊലീസിനും സമർപ്പിക്കുന്നതായി അവർ പറഞ്ഞു. മുടിയുടെ അറ്റം കത്രിക കൊണ്ടാണ് മുറിച്ചു മാറ്റിയത്.എട്ട് മരങ്ങളുടെ മുകൾഭാഗത്തെ ശിഖരങ്ങളാണ് വൈദ്യുതി​ബോർഡ് അധി​കൃതർമുറിച്ചത്. രാവിലെ ശിഖരങ്ങൾ മുറിക്കാൻ എത്തിയപ്പോൾ എ.ഐ.വൈ.എഫുകാരുടേയും പരിസ്ഥിതി പ്രവർത്തകരുടെയും നേതൃത്വത്തിൽ പ്രതിഷേധി​ച്ചതോടെ ഉദ്യോഗസ്ഥർ തിരിച്ചുപോയി. പിന്നീട് സ്ഥലത്തെത്തി​യ പൊലീസ് ​ മരംമുറി​ക്കുന്നത് തടഞ്ഞാൽ അറസ്റ്റു ചെയ്യുമെന്ന് മുന്നറിയിപ്പ് നൽകി. തുടർന്ന് പ്രതിഷേധക്കാരെ മീന മേനോൻ പിന്തിരിപ്പിക്കുകയായി​രുന്നു. . എല്ലാ സമരങ്ങളിലും സജീവമായി​ പങ്കെടുത്തിരുന്ന മകളെ മരംമുറി​ക്കുന്നത് കാണാതി​രി​ക്കാൻ രാവിലെ സ്കൂളിൽ വിട്ടയച്ചു. ഉച്ചയ്ക്കുശേഷം പൊലീസ് അകമ്പടി​യോടെ ശിഖരങ്ങൾ മുറിച്ചു നീക്കുകയായിരുന്നു. .

. കാവുകളും കുളങ്ങളും മരങ്ങളും കൊണ്ട് സമൃദ്ധമായ ശാന്തിവനത്തിന് മുകളിലൂടെ ടവർ ലൈൻ വലിക്കുന്നതിനെതിരെ പരി​സ്ഥി​തി​ പ്രവർത്തകർ കുറെനാളായി​ സമരം നടത്തുകയാണ്.