നടൻ സണ്ണി വെയ്‌നും നിർമ്മാണരംഗത്തേക്ക് കടക്കുന്നു. നിവിൻ പോളിയെ നായകനാക്കി ഒരുക്കുന്ന പടവെട്ട് ആണ് സണ്ണി നിർമ്മിക്കുന്ന ആദ്യചിത്രം. നവാഗതനായ ലിജു കൃഷ്ണയാണ് ചിത്രം സംവിധാനം ചെയ്യുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്റർ സണ്ണി വെയ്‌ൻ പുറത്തുവിട്ടു.
നേരത്തെ മൊമന്റ് ജസ്റ്റ് ബിഫോർ ഡെത്ത് എന്ന നാടകം സണ്ണി വെയ്‌ൻ നിർമ്മിച്ചിരുന്നു. ലിജുവായിരുന്നു നായകൻ. നിരവധി പുരസ്‌കാരങ്ങളും നാടകം സ്വന്തമാക്കിയിരുന്നു.
‘കരിയറിലെ ഒരു സുപ്രധാന നിമിഷം നിങ്ങളുമായി പങ്കുവെക്കാൻ ഞാൻ ആഗ്രഹിക്കുന്നു.സണ്ണി വെയിന്‍ പ്രൊഡക്ഷന്‍സിന്റെ രണ്ടാമത് നിർമ്മാണ സംരംഭം ‘പടവെട്ട്’ ഒരുങ്ങുകയാണ്.ഇത്തവണ ഒരു സിനിമയുമായാണ് ഞങ്ങൾ വരുന്നത്. എന്റെ സുഹൃത്ത് നിവിൻപോളിയാണ് നായകൻ. ആദ്യ സംരംഭമായ ‘മൊമെന്റ് ജസ്റ്റ് ബിഫോർ ഡെത്ത്’ ഒരുക്കിയ ലിജു കൃഷ്ണയാണ് ചിത്രത്തിന്റെ രചനയും സംവിധാനവും നിർവഹിക്കുന്നത്.നിങ്ങളുടെ എല്ലാവിധ അനുഗ്രഹങ്ങളും ആശംസകളും ഉണ്ടാവുമെന്ന് പ്രതീക്ഷിക്കുന്നു.’പടവെട്ട്’ നന്നായി ഒരുക്കാൻ ഞങ്ങളാൽകഴിയുന്നതെല്ലാം ചെയ്യുമെന്ന് ഉറപ്പു നൽകിക്കൊണ്ട് നിറുത്തട്ടെ’ ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്ത് വിട്ടുകൊണ്ട് സണ്ണി ഫേസ്ബുക്കിൽ കുറിച്ചു.